ESAIA 39:7 - Jinghpaw Common Language Bible 2009

⁷ Nang hte ading tawk seng ai amyu matu mara nkau mi mung woi la hkrum nna, Babelon hkawhkam htingnu hta e daw jau na matu unuk tai na mara ai aten gaw du na ra ai,” ngu tsun wu ai.

Jinghpaw Hanson Version Bible

⁷ Nang shaprat ai, na a shadang sha ni hpe mung, shanhte woi wa nna, shanhte gaw Babelon hkawhkam a htingnu hta e unuk ngu ai ni tai na mara ai, ngu wu ai.

ESAIA 39:7 ပူးပေါင်းရင်းမြစ်များ

2 HKAWHKAM 24:10

Shi hkaw dung nga ai aten hta Babelon luksuk hpe up hkang ai Hkawhkam Nebuhkadneza a du salang ni gaw Yerusalem mare de rawt sa wa nhtawm sa wang da mu ai.

2 HKAWHKAM 24:12

Hkawhkam Yehoiahkin hte rau shi a kanu, shi a shadang sha ni, du salang ni, hkawhkam wang na rap daw salang ni gaw, Babelon masha ni hpe asum hkap jaw kau mu ai. Nebuhkadneza hkaw dung ai matsat ning hta shi gaw Yehoiahkin hpe bawng masha hku rim la nhtawm,

2 HKAWHKAM 24:15

Nebuhkadneza gaw Yehoiahkin hte rau shi a kanu, shi a madu jan ni, shi a du salang ni, Yuda mung a ningbaw ningla ni hpe Babelon mung de woi mat wa wu ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

2 HKAWHKAM LABAU 36:20

Shi gaw naw hkrung nga ai ni yawng hpe Babelon mung de woi wa ai rai nna shanhte gaw shi hte shi a amyu matu mara ni hpe Persi mungdan a daru magam n-gun rawt wa ai aten du hkra, mayam amu galaw let daw jau nga ma ai.

YEREMIA 39:7

Dai hpang, shi gaw Zedekia a myi hpe achyaw baw kau ya nna, Babelon mung de woi mat wa na matu hpri sumri hte gyit sumroi da ma ai.