ESAIA 39:3 - Jinghpaw Common Language Bible 2009

³ Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

Jinghpaw Hanson Version Bible

³ shaloi myihtoi Esaia gaw hkawhkam Hezekia hpang de sa du nna, “Ndai manam ni gaw hpa lam tsun ma ta? kanang nna nang kaw sa du ma ta?” ngu nna san wu yang, Hezekia gaw, “Tsan tsan e nga ai Babelon mung na sa du ma ai,” ngu nna htan wu ai.

ESAIA 39:3 ပူးပေါင်းရင်းမြစ်များ

2 SAMUELA 12:1

Dai Madu gaw myihtoi Nahtan hpe Dawi hpang de shangun dat wu ai. Nahtan mung shi kaw sa nhtawm, “Mare langai mi hta masha lahkawng nga nga ma ai; langai mi gaw sut su nna, kaga langai mi mahtang matsan mayan re ai wa rai nga ai.

2 HKAWHKAM LABAU 16:7

Dai aten hta myihtoi Hanani gaw Hkawhkam Asa hpang de sa nhtawm, “Dai Madu na a Karai Kasang hpe kam hpa na malai Suri hkawhkam hpe kam hpa nga ndai majaw Israela hkawhkam a hpyen luksuk ni gaw na a lata kaw na lawt mat wa masai.

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

2 HKAWHKAM LABAU 25:15

Shing re ai amu a majaw dai Madu masin pawt ai rai nna Amazia hpang de myihtoi langai shangun dat wu ai. Shaloi myihtoi wa gaw, “Na a lata kaw nna shanhte a masha ni hpe pyi n dang hkye la lu ai maigan karai ni hpe nang hpa majaw nawku nga n ta?,” ngu nna hpyi tsun wu ai.

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

ESAIA 38:5

“Dai Madu na a nji nwa Dawi a Karai Kasang ngai gaw na a akyu hpyi ga hpe na ni ai; na a myi prwi ni hpe mu ni ai; ngai nang hpe asak shi manga ning jat ya na nngai.

ESAIA 39:4

Shanhte ndai hkaw hta hpa baw mu ma ni? Shanhte gaw arai hkum sumhpa hpe mu manu ai. Ngai shanhte hpe n madun hkrup ai sut gawk kata na arai hpa mung n nga sai,” ngu nna htan wu ai.

YEREMIA 4:16

Shanhte gaw masha amyu baw ni hpe sadi jaw na matu mung, grai tsan ai mungdan kaw nna du sa nga ai gumlau hpyen ni a lam Yerusalem hpe tsun dan na matu mung du sa ma ai. Dai gumlau hpyen ni gaw Yuda mung na mare ni a hpang maga e marawn jahtau na mara ai.

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

YAWSHU 9:6

Dai hpang shanhte gaw Gilgala e jung ai dap de sa nhtawm Yawshu hte Israela amyu masha ni hpe, “Anhte gaw sumtsan mung na du sa raga ai. Nanhte hte ga shaka tawn da na anhte ra sharawng ga ai,” ngu nna tsun mu ai.

YAWSHU 9:9

Dai hpang shanhte mung ndai maumwi shanhte hpe tsun dan mu ai: “Dai Madu na a Karai Kasang a lam anhte na ga ai majaw mung, Egutu mung hta shi galaw dan sai lam magup a lam hpe anhte na ga ai majaw mung, Yawdan hka a sinpraw hkran na Amori hkawhkam lahkawng rai nga ai Heshbon Hkawhkam Sihon hte Ashtarot e nga ai Bashan Hkawhkam Oga yan hta galaw nu ai lam ni a majaw mung, grai tsan ai sumtsan mung na anhte du sa raga ai.