ESAIA 39:2 - Jinghpaw Common Language Bible 2009

² Hezekia gaw dat kasa ni hpe atsawm sha hkalum la nhtawm shanhte hpe shi a sut gan rai nga ai aja gumhpraw, manam pyaw ai baw namji namya hte manam hawm ai sau hte shi a hpyen laknak arung arai mahkra hte hpe madun dan wu ai. Shi shanhte hpe n madun yu ai shi a sut gawk ni hte shi a mungdan shara shagu hkan e nga ai arai yawng mayawng hte hpe n madun kau ai shara mi pyi n nga mat salu ai.

Jinghpaw Hanson Version Bible

² Hezekia mung shanhte hpe hkap hkalum la nna, shi a arung arai nta na aja gumhpraw, manam pyaw ai baw, hpu la ai sau, hpyen laknak rawng ai nta hte shi a sutdek hta rawng marawng mahkra hpe madun dan mu ai: Hezekia gaw shi a nta hte shi a mungdan hta rawng marawng, shanhte hpe n madun dan ai, hpa mung n nga ai.

ESAIA 39:2 ပူးပေါင်းရင်းမြစ်များ

1 HKAWHKAM 10:10

Shi gaw Hkawhkam Shawlumon hpe shi la sa ai ja tan manga daram, manam pyaw ai namji namya hte lungseng law law jaw ya wu ai. Hkawhkam Shawlumon hpe shi sak jaw ai dai manam pyaw ai baw namji namya gaw hkawhkam wa gara aten galoi mung lu la yu ai kumhpa hta grau law htum rai nga ai.

1 HKAWHKAM 10:15

dai hta kaga hpaga ga ai masha ni kaw na hta la lu ai ahkun ni, hpaga amyat ni hte Arabi hkawhkam ni hte Israela ginwang ni hpe up hkang ai mung du ni sak jaw ai shagrau kumhpa ni naw lawm nga ai.

1 HKAWHKAM 10:2

Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lungseng ni hte ja law law htaw let woi sa wa wu ai. Shi gaw Shawlumon hte hkrum jang, shi myit shapraw lu ai ga san yawng hte shi hpe san yu wu ai.

1 HKAWHKAM 10:25

Shi kaw sa ai masha kadai mung shi a matu kumhpa ngu na aja, gumhpraw, palawng galu, laknak, manam pyaw ai baw namji namya, gumra hte lawze ni hpe la sa ya ma ai. Dai hpe shaning shagu matut sak jaw ma ai.

2 HKAWHKAM 20:13

Hezekia mung dat kasa ni hpe atsawm sha hkalum la nhtawm shanhte hpe shi a sut gan ni rai nga ai aja gumhpraw, manam pyaw ai baw namji namya hte manam hawm ai sau hte shi a hpyen laknak madun ai shi a sut gawk ni hte shi a mungdan shara shagu hkan nga ai arai yawng mayawng hpe madun dan wu ai. Shi n madun dan ai gaw shara mi pyi n nga nga lu ai.

2 HKAWHKAM LABAU 32:25

Rai ti mung Hezekia chyawm gaw dai Madu shi a matu galaw nu ai chyeju hpe shadan dan na matu nau wa gumrawng nga wu ai. Yuda hte Yerusalem gaw de a matu nni nkri hkrum sha nga ma ai.

2 HKAWHKAM LABAU 32:27

Hkawhkam Hezekia gaw sut gan grai lu su ai wa tai wa nna masha shagu shi hpe shagrau sha-a ma ai. Shi gaw aja gumhpraw, manu dan ai lung seng, manam pyaw ai baw namji namya, ninggang hte kaga manu hpu ai arung arai ni hpe tawn da na matu sut dum ni gap da nga ai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

2 HKAWHKAM LABAU 9:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai. Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lung seng ni hte ja law law htaw let woi sa wa wu ai. Shawlumon hte shi hkrum jang shi myit shapraw lu ai ga san yawng hte shi hpe san yu wu ai.

2 HKAWHKAM LABAU 9:9

Shi gaw shi la sa ai kumhpa ni, Hkawhkam Shawlumon hpe jaw wu ai; dai ni gaw ja tan manga daram hte manam pyaw ai namji namya hte lung seng law law sak jaw wu ai. Sheba Hkawhkam jan gaw Hkawhkam Shawlumon hpe sak jaw ai manam pyaw ai namji namya daram kaja ai gaw galoi mung n nga yu nga sai.

YOBA 31:25

nye a sut gan hta galoi mung gumrawng nngai n rai.

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

1 YAWHAN 1:8

Anhte yubak n lu ga ai, nga nna tsun ga yang gaw, anhte a hkum hpe anhte masu hkalem kau ga ai rai nna, teng man ai lam anhte hta n rawng ai ni rai saga ai.