ESAIA 39:1 - Jinghpaw Common Language Bible 2009

¹ Dai aten daram hta nan, Baladan a kasha Babelon hkawhkam Merodak Baladan gaw Hkawhkam Hezekia machyi hkrum nga ai shiga na wu ai, dai rai nna shi gaw shi hpang de laika langai hte kumhpa shagun ya wu ai.

Jinghpaw Hanson Version Bible

¹ Dai aten e Babelon hkawhkam, Baladan a kasha, Berodak-baladan gaw, Hezekia machyi nga ai hte mai wa ai lam na nna, shi hpang de laika hte kumhpa shagun dat wu ai.

ESAIA 39:1 ပူးပေါင်းရင်းမြစ်များ

2 SAMUELA 10:2

Hkawhkam Dawi gaw, “Shi a kawa ngai hpe chyeju jaw ai hte maren, kasha Hanun hpe mung sadi dung ai jinghku lai ngai shi hpe madun lu na rai nngai,” ngu nna tsun wu ai. Dai rai nna shi a matsan dum ai lam madun dan na matu kasa ni hpe Dawi shangun dat wu ai. Shanhte Amon mung de du sa wa ma yang,

2 SAMUELA 8:10

Shaloi shi gaw Toi e law law lang gasat ninghkap yu sai Hadadeza hpe gasat dang kau lu sai Hkawhkam Dawi a awng padang hpe shakawn shagrau na matu mung, shi hpe sa shakram la na matu mung, shi a kasha Yoram hpe shangun dat wu ai. Yoram mung aja, gumhpraw hte magri mang hte galaw ai kumhpa arung arai ni hpe la sa ya wu ai.

2 HKAWHKAM LABAU 32:23

Amyu masha law law hte gaw Yerusalem de sa nna dai Madu a matu hkungga ni, Hezekia hpe kumhpa ni sa ya shajang ma ai; dai aten kaw nna amyu baw ni yawng Hezekia hpe shagrau sha-a nga ma ai.

2 HKAWHKAM LABAU 32:25

Rai ti mung Hezekia chyawm gaw dai Madu shi a matu galaw nu ai chyeju hpe shadan dan na matu nau wa gumrawng nga wu ai. Yuda hte Yerusalem gaw de a matu nni nkri hkrum sha nga ma ai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 23:13

(Matse labye dusat ni hpe Turu de shingle shang shangun ai gaw Asuri masha ni n rai, Babelon masha ni she rai ma ai. Babelon masha ni gaw langchyi ni hpe sharawt tawn nhtawm Turu a ngang ai hpyen dap ni hpe sharun shabyak kau ya let mare hpe jahten sharun kau da ma ai.)