ESAIA 38:9 - Jinghpaw Common Language Bible 2009

⁹ Hezekia machyi mat ai hpang shi gaw ndai shakawn kungdawn mahkawn ga hpe ka wu ai:

Jinghpaw Hanson Version Bible

⁹ Da ndai gaw Yuda hkawhkam, Hezekia machyi mai ai hpang, ka da ai laika rai nga ai:

ESAIA 38:9 ပူးပေါင်းရင်းမြစ်များ

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

SHAKAWN KUNGDAWN 18:1

Madu e, nang hpe ngai kade wa tsaw ra nga a hka! Nang gaw ngai hpe makawp maga ai wa rai nga ndai.

ESAIA 38:10

Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai.

ESAIA 38:8

Hkawhkam Ahaza gap da ai lakang ntsa hta dai Madu gaw shingna n-gam shi htingnut shangun na ra ai,” ngu nna tsun htang wu ai. Dai shingna gaw hpang de n-gam shi htingnut mat nga ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.