ESAIA 38:3 - Jinghpaw Common Language Bible 2009

³ “Madu e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

Jinghpaw Hanson Version Bible

³ Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law” ngu nna hkrap ngu hkrap ngoi let, Yehowa hpe hpyi nem wu ai.

ESAIA 38:3 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

1 HKAWHKAM 15:14

Tara maigan masha ni a nawku shara ni yawng hpe Asa n dang jahten shama kau lu tim, dai Madu hta prat dingsa sadi naw dung nga wu ai.

1 HKAWHKAM 2:4

Shi a ga hpe nang madat mara ndai rai yang, nye a amyu matu ni shi a hkang da ai ga ni hpe sadi sahka let shanhte a myit kraw lawang mahkra hte myit masin mahkra hte sadi let madat mara nga dingsa Israela mung hpe up hkang lu na rai nga ai, nga nna shi ngai hpe tsun da sai ga sadi hpe dai Madu shatup na rai wu ai.

2 HKAWHKAM 18:3

Shi a kaji kawa Hkawhkam Dawi a kasi hkan ai rai nna dai Madu awng sharawng ai hku amu galaw nga ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

1 HKAWHKAM LABAU 29:9

Amyu masha ni gaw dai Madu hpe awng sharawng ai myit hte grau jaw ya lu manu ai majaw shanhte kabu gara shajang nga ma ai. Hkawhkam Dawi mung nachying kabu gara nga ai.

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

2 HKAWHKAM LABAU 25:2

Shi gaw dai Madu awng sharawng ai amu hpe galaw ti mung myit lawm ai hku galaw ai n rai.

EZRA 10:1

Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 5:19

O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

SHAKAWN KUNGDAWN 102:9

Na a pawt sindawng ai hte masin kahtet ai a majaw, wan dap ni gaw nye a malu masha rai nga ai; nye a luhpa ni mung nye a myi prwi ni hte kayau nga li ai. Nang ngai hpe magra sharawt la nna, tsan tsan de kabai kau nga nit dai.

SHAKAWN KUNGDAWN 119:80

Ngai gaw na a hkang da ai ga ni hpe ra n rawng hkra madat mara hkan sa nga nngai majaw, kaya kahpa hte sum kadawng ai lam ngai hta n hkrum nga u ga.

SHAKAWN KUNGDAWN 16:8

Madu ngai hte rau nga ai hpe ngai tut nawng e adum nga nngai; shi ani sha nga nga ai majaw, hpa mung ngai hpe jahkrit shama lu sana n rai.

SHAKAWN KUNGDAWN 26:3

Na a dinggrin tsaw ra myit gaw nye a lam woi ningshawng rai nga ai; na a sadi sahka ai myit mung ngai hpe tut nawng e, lam woi ya nga ai.

SHAKAWN KUNGDAWN 32:2

Shut hpyit ai amu hta na dai Madu e mara shagun n hkrum ai hte, masu magaw lam yawng hta na lawt lu ai wa gaw a nga ai.

SHAKAWN KUNGDAWN 6:6

Ngai yawn hkyen ai hte hki ba la nga nngai, nye a hkrap agru ai kaw na pru ai myi prwi gaw nye a yupra hpe madi ya nga ai rai nna, nye a baw hkum mung myi prwi ni hte madi nyap nga li ai.

SHAKAWN KUNGDAWN 6:8

N hkru ai masha nanhte e, ngai kaw nna pru mat wa mu! Dai Madu gaw nye a hkrap ngu hkrap ngoi ai nsen hpe na ya nga ai;

ESAIA 38:2

Hezekia gaw shakum de myi man yawng nna ning ngu akyu hpyi wu ai:

ESAIA 38:4

Dai hpang dai Madu gaw Esaia hpe Hezekia hpang de nhtang sa nna ning ngu tsun na matu hkang dat wu ai:

HOSEA 12:4

Shi gaw lamu kasa hpe kamu dang lu jang, hkrap let shaman chyeju hpyi wu ai. Dai hpang Karai Kasang gaw anhte a kaji kawa Yaku hpang de sa nna Behtela mare e shi hte ga shaga chyai wu ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

TARA JAHPRANG 6:18

Dai Madu tsun ai hku galaw ai gaw jaw hkrak ai hte mai kaja nga ai rai nna dai lam yawng nanhte hta ngamu ngamai wa na ra ai. Dai Madu gaw nanhte a kaji kawa ni hpe ga sadi jaw da sai namhpun kaja ai mung hpe nanhte madu la lu na rai myit dai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.