ESAIA 38:18 - Jinghpaw Common Language Bible 2009

¹⁸ Katsan ga na masha kadai mung nang hpe shakawn kungdawn lu ai n rai; Si hkrung si htan gaw na a sadi sahka hpe kam ai n rai.

Jinghpaw Hanson Version Bible

¹⁸ Gaja wa, Katsan ga gaw nang hpe shakawn lu ai, n rai; Si hkrung si htan gaw nang hpe shagrau lu ai, n rai: Nsung hku de shang ai ni, tengman ai hpe myit mada lu ai, n rai.

ESAIA 38:18 ပူးပေါင်းရင်းမြစ်များ

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 30:9

“Nye a si hkrung si htan kaw nna, nang hpa baw akyu hkam la lu na rai nga n ta? Lup sung hku de ngai sa wa ai kaw nna, hpa baw amyat lu la na rai nga n ta? Si sai masha ni nang hpe shakawn lu nga ma ni? Na a n shut n shai chye ai mai kaja lam hpe, shanhte tsun dan lu na ma ni?

SHAKAWN KUNGDAWN 6:5

Katsan ga e, nang hpe dum nga ma ai n rai; kadai mung, dai shara hta nang hpe shakawn lu ma ai n rai.

SHAKAWN KUNGDAWN 6:6

Ngai yawn hkyen ai hte hki ba la nga nngai, nye a hkrap agru ai kaw na pru ai myi prwi gaw nye a yupra hpe madi ya nga ai rai nna, nye a baw hkum mung myi prwi ni hte madi nyap nga li ai.

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

BU HKAWM 16:33

Dai rai nna shanhte mung shanhte a arung arai ni hte nawng Katsan ga de chyahkrung yu mat wa ma ai. Lamu ga mung shanhte a ntsa e bai chyip mat nna kaput kau ai hkrum ma ai.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.