ESAIA 38:16 - Jinghpaw Common Language Bible 2009

¹⁶ Madu e, Ngai gaw na a matu, na a matu chyu sha asak hkrung nga na nngai; Ngai hpe shamai shatsai e, ngai asak hkrung nga n-ga law.

Jinghpaw Hanson Version Bible

¹⁶ Madu e, na mungga hte shinggyim masha hkrung nga ma ai; Nye wenyi a asak mung, dai hta jung nga ai: Nang gaw ngai hpe shamai ya nna, asak jahkrung ya e law.

ESAIA 38:16 ပူးပေါင်းရင်းမြစ်များ

SHAKAWN KUNGDAWN 119:25

Ngai gaw sum kadawng mat nna, ga nhpu hta galeng taw mat ni ai; na a ga sadi hte maren, ngai hpe n-gun nnan jaw ya nna bai sharawt la e.

SHAKAWN KUNGDAWN 119:71

Ngai hkrum sha ai ari gaw nye a matu kaja nga li ai; hpa majaw nga yang, dai gaw ngai hpe na a hkang da ai ga ni hpe sharin la shangun nga ai.

SHAKAWN KUNGDAWN 119:75

Madu e, na a tara dara ai lam ding man nga ai hpe ngai chye nga nngai; nang sadi dung nga ndai majaw, ngai hpe ari jaw nga ndai.

SHAKAWN KUNGDAWN 30:3

nang gaw ngai hpe nsung hku hta na mawai la nit dai. Ngai Katsan ga de yu wa nga ai kaw na nang nye a asak hpe mawai la nit dai.

SHAKAWN KUNGDAWN 39:13

Ngai garai n si mat wa yang, kabu gara let nga lu na matu ngai hpe masin hkum pawt nga e law.

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

MAHTE 4:4

Rai ti mung Yesu gaw, “Masha gaw muk hte sha hkrung nga lu na n rai, Karai Kasang a n-gup hta na pru ai mungga nlang hte hte hkrung nga lu na ra ai, nga nna chyum laika hta tsun nga ai,” ngu nna htan wu ai.

1 KORINHTU 11:32

Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

TARA JAHPRANG 8:3

Shi gaw nanhte hpe kawsi jahkrum nhtawm nanhte hte nanhte a nji nwa ni galoi mung garai n lu sha yu ai Manna nanhte hpe jaw nu ai. Masha gaw muk hte sha asak hkrung nga lu ai n rai; lam magup hta dai Madu tsun ai mungga hte sha asak hkrung lu nga ai hpe sharin la lu myit ga nga, ndai lam shi galaw nu ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!