ESAIA 38:14 - Jinghpaw Common Language Bible 2009

¹⁴ Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

Jinghpaw Hanson Version Bible

¹⁴ Pilan hte mali tau zawn, ngai jawp nga nngai; Hkrudu zawn madai nga nngai: Nye a myi mada yu nna n-gun yawm mat sai. Yehowa e, nni nkri hkrum ai wa ngai rai nga nngai, Nye a pahkam wa nang tai u ga.

ESAIA 38:14 ပူးပေါင်းရင်းမြစ်များ

YOBA 17:3

Karai Kasang e, ngai gaw ding man nga nngai majaw, nye a ga hpe hkap la ya e. Ngai tsun ai ga hpe madi shadaw ya na masha langai mi mung n nga nga ai.

YOBA 30:29

Nye a nsen gaw yawn hkyen ai hte garen gari ai nsen rai nga nna, nam gwi hte u gawla-uk a jahtau ai nsen zawn rai nga ai.

SHAKAWN KUNGDAWN 119:82

“Nang ngai hpe galoi mi she, karum la na rai nga n ta?,” ngu nna san ai hte, nang tawn da sai ga sadi hpe mada azi yu ai majaw, nye a myi ni tsu nga li ai.

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 55:2

Ngai hpe madat ya nna htan ya e; nye a myit ru myit tsang ai lam ni hta ngai hki ba la nga nngai.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

ESAIA 59:11

Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

SHARUNG SHAYAWT 4:17

Anhte gaw galoi mung n karum yu ai karum la lam hpe kachyi mi pyi n lu yu mat ai aten du hkra mada yu ga ai. Anhte gaw karum la lam n jaw ya lu ai masha amyu baw a karum la lam hpe la nga dingyang rai nga ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

NAHUM 2:7

Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.

NAHUM 2:8

Namhpai jahten kaw na hka zawn, masha ni gaw Ninewe kaw na hprawng pru wa ma ai! “Hkring mu! Hkring mu!,” ngu nna hkan jahtau ti mung, kadai mung nhtang kayin yu ma ai n rai.

HEBRE 7:22

Ndai zawn aya hkam ai lam hta shai hkat ai majaw Madu Yesu gaw grau kaja ai ga shaka hpe pahkam hkam ya ai wa tai wa sai.