ESAIA 38:12 - Jinghpaw Common Language Bible 2009

¹² Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak hpe jahtum kau ya nga sai ngu, ngai myit nawn kau nngai.

Jinghpaw Hanson Version Bible

¹² Sagu rem ai wa a sum zawn, ngai rawng ai nta hpe, baw nna kaga de htawt kau nu ai; Da da ai wa zawn, nye a asak hpe ngai katsu kau nna, Da lang hta na shi ngai hpe rep kau na ra ai. Shana garai n du yang pyi, nang ngai hpe jahtum kau na ra ai.

ESAIA 38:12 ပူးပေါင်းရင်းမြစ်များ

YOBA 14:2

Anhte kaba wa nna nampan ni zawn alawan nyip mat ga ai; shingnip shingna zawn anhte hkoi mat ga ai.

YOBA 17:1

Nye asak a jahtum aten gaw ni wa magang nga sai. Ngai gaw nsa sa yak nga nngai; lup sung hku hta jan nna nye a matu hpa mung ngam nga ai n rai.

YOBA 4:20

Masha gaw jahpawt e naw hkrung nga ga ai, rai ti mung shana de garai n du yang, hpa n tsun ai sha si mat mai nga ga ai.

YOBA 6:9

Shi shawng sa magang nna ngai hpe sat u ga!

SHAKAWN KUNGDAWN 102:11

Nye a asak gaw jan shang wa yang na shingnip zawn rai nga nna; hkraw ai tsingdu hte bung nga nngai.

SHAKAWN KUNGDAWN 119:23

Mung up du ni ngai hpe gumlau na matu, maw mawn ai hte hpawng nga ma ti mung; ngai gaw na a sharin achyin ai lam ni hpe sharin la nga na nngai.

SHAKAWN KUNGDAWN 31:22

Shi gaw ngai hpe shi a man kaw na gawt shapraw kau hkrum sai zawn nawn nna, ngai myit yu ai hte hkrit kau ni ai. Rai ti mung, karum la na matu shi hpe ngai shaga yang, nye a hpyi jahtau ai nsen hpe shi na ya sai.

SHAKAWN KUNGDAWN 73:14

O Karai Kasang e, nang ngai hpe shani tup nni nkri jahkrum da nga ndai; nang ngai hpe jahpawt shagu ari jaw nit dai.

SHAKAWN KUNGDAWN 90:5

Nang anhte hpe hka mawru zawn garawt agre mat wa nna; anhte gaw yup mang mang ai daram pyi, n nga lu nga ai. Jahpawt e maku ku wa nhtawm,

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

2 KORINHTU 5:4

Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

HEBRE 1:12

Nang gaw ntsa palawng hpe zawn dai arai ni hpe katsu kau na ra ai rai nna, hpun nba hpe zawn shanhte galai kau ai hkrum na mara ai. Rai ti mung nang chyawm gaw dinggrin anga nga nna, na a asak mung htum ngu ai nga na n rai.”

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.