ESAIA 38:10 - Jinghpaw Common Language Bible 2009

¹⁰ Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai.

Jinghpaw Hanson Version Bible

¹⁰ “Ngai gaw asak hpungngang e Katsan ga chyinghka de shang wa ni hka; Naw ngam nga ai nye a shaning ni hpe ngai n mu na nngai,” nga nna ngai tsun nngai.

ESAIA 38:10 ပူးပေါင်းရင်းမြစ်များ

YOBA 6:11

Ngai ahkrung nga na matu hpa baw n-gun rawng ra a ta? Myit mada shara n nga sayang, ngai hpa majaw naw hkrung nga na rai ta?

YOBA 7:7

O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

SHAKAWN KUNGDAWN 102:24

O Karai Kasang e, ngai garai n dingla yang, nye a asak hpe hkum dawm kau ya e. Madu e, nang gaw htani htana anga nga ndai.

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 107:18

Shanhte gaw lusha shahpa hpe pyi n kam yu mat mu ai hte, si hkrung si htan a chyinghka de ni wa nga ma ai.

SHAKAWN KUNGDAWN 31:23

Shi a kangka ai amyu masha ni yawng hte e, dai Madu hpe tsaw ra nga mu. Dai Madu gaw kangka ai ni hpe makawp maga nga ti mung, gumrawng gumtawng ai ni hpe chyawm gaw shanhte hkam la ging ai hte maren ari jaw ya nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

ESAIA 38:9

Hezekia machyi mat ai hpang shi gaw ndai shakawn kungdawn mahkawn ga hpe ka wu ai:

YONA 2:6

Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

2 KORINHTU 1:9

Anhte gaw si ari daw dan hkrum ai ni rai ga ai ngu nna pyi tinang hkum hpe nawn da ga ai. Rai ti mung ning rai byin ai lam gaw, anhte gaw tinang a hkum hpe n kam hpa ai sha si mat ai ni hpe hkrung sharawt ai Karai Kasang hta shamyet shanat kam hpa nga na matu rai nga ai.