ESAIA 38:1 - Jinghpaw Common Language Bible 2009

¹ Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

Jinghpaw Hanson Version Bible

¹ Dai aten hte yang Hezekia gaw si machyi hkrum nga ai rai nna, Amot a kasha myihtoi Esaia shi kaw sa du nna, Yehowa ning nga ai: “Nang hkrung nga lu na n rai, si na ndai majaw, na a nta na dinghku lam hpajang da u,” ngu wu ai.

ESAIA 38:1 ပူးပေါင်းရင်းမြစ်များ

2 SAMUELA 12:22

Dawi chyawm gaw, “Rai nga ai law, shi naw hkrung nga yang, ngai lusha gam let hkrap ngu hkrap ngoi rai ni ai. Dai Madu gaw ngai hpe matsan dum la nhtawm ma hpe n si shangun na rai wu ai ngu, ngai myit nawn la nngai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 HKAWHKAM LABAU 32:24

Ndai aten daram hte hta, Hkawhkam Hezekia ganoi si wa na daram machyi hkrum nga ai. Shi akyu hpyi ai hte dai Madu mung shi bai mai tsai wa na kumla shi hpe jaw wu ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

ESAIA 37:21

Dai hpang Esaia gaw hkawhkam Hezekia hpang de shiga shana dat wu ai; dai gaw hkawhkam wa a akyu hpyi ga hpe madat ya nna

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

YONA 3:4

Yona dai mare de du hpang nna, lani mi tup hkawm ngut ai hpang, shi gaw, “Nhtoi mali shi ya laman, Ninewe mare hten run mat na ra ai,” ngu nna jahtau tsun wu ai.

KASA 9:37

Dai hte yang shi machyi nna si mat wa sai, shi a hkum tsawp hpe kashin nna, ntsa gawk e sharawn da ma ai.