ESAIA 37:24 - Jinghpaw Common Language Bible 2009

²⁴ Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

Jinghpaw Hanson Version Bible

²⁴ Nang gaw, na a mayam ni a n-gup hte dai Madu hpe shatan nhkan nna, Ngai gaw nye a law la ai hpyen leng ni hte bum pungding ni a ntsa de lung wa lu nna, Lebanon maling ka-ang de shang lu na nngai: ngai gaw de a tsaw htum ai arit hpun ni hte, hpu htum ai marau hpun ni hpe kran kau nna, de a tsan htum ai maling na nga pyaw ai shara de pyi shang wa na nngai.

ESAIA 37:24 ပူးပေါင်းရင်းမြစ်များ

SHAKAWN KUNGDAWN 20:7

Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

PRU MAT 15:9

Gumlau hpyen wa gaw, ‘Ngai shanhte hpe hkan shachyut nna rim la na we ai; ngai gaw shanhte a sut gan hpe garan kau nna, ngai ra ai yawng la kau na we ai; Nye a nhtu shaw nna shanhte lu ai arai yawng hte hpe htawm la na we ai,’ ngu nna tsun wu ai.

ESAIA 10:18

Sut nhprang hte hpring ai nam maling ni hte yi sun lamu ga ni tsep kawp jahten kau hkrum na ra ai, dai hte maren, si shangun lu ai machyi makaw gaw masha langai ngai hpe jahten lu nga ai.

ESAIA 10:33

Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

ESAIA 10:34

Dai Madu gaw shanhte hpe maling kata na hpun ni hpe nwa hte kran kadang kau ai hte tsawm ai Lebanon hpun ni hpe pyi kran daw kau ai zawn shanhte hpe kran kadawng kau na ra ai.

ESAIA 14:8

Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

ESAIA 29:17

Ga malai hte maren, kade n na yang htat ai maling htinggram gaw yi sun lamu ga tai mat wa na ra ai, yi sun lamu ga gaw maling bai tai mat na ra ai.

ESAIA 36:9

Nanhte gaw nem htum ai Asuri du salang hte pyi n lu shabung ai mi, Egutu masha ni nanhte hpang de hpyen leng ni hte jawn gumra ni shangun dat ya na myit mada nga myit ni?

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

YEREMIA 22:6

“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

YEREMIA 22:7

Dai hpe shamyit kau na matu, ngai gaw masha ni hpe dat dat na nngai. Shanhte yawng gaw ningwa ni lang nna tsawm ai arit hpun nu ni hpe kran nhtawm wan hta kabai bang kau na mara ai.

YEREMIA 46:8

Dai gaw Egutu mung rai nna, Nila hka nu zawn tung rawt wa nhtawm, hka nu hpungtun zawn de a hkin-gau ni hpe lip kau nga ai. Egutu gaw, ‘Ngai rawt wa nna mungkan ga hpe ka-up kau na nngai; Ngai gaw mare ni hte dai hta shanu nga ai mare masha ni hpe shaza kau na nngai.

EZEKELA 21:2

Shi gaw, “Si chye ai masha wa e, Yerusalem hpe jahpoi kau u. Amyu masha ni nawku ai shara ni hpe mung jahpoi kau u.

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.