ESAIA 37:23 - Jinghpaw Common Language Bible 2009

²³ Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

Jinghpaw Hanson Version Bible

²³ Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 37:23 ပူးပေါင်းရင်းမြစ်များ

2 HKAWHKAM 19:22

Nang hpe n kaw n law di nna asawng asang di kau nit dai gaw kadai rai nga ai zawn nang myit nawn la wu ni? Nang gaw chyoi pra ai Israela a Karai Kasang ngai hpe n gawn n sawn di kau nga nit dai.

2 HKAWHKAM 19:4

Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”

2 HKAWHKAM LABAU 32:17

Hkawseng wa mung dai Madu Israela a Karai Kasang hpe ninghkap ai laika ka wu ai. Dai gaw, “Amyu baw ni a karai ni shanhte a amyu masha ni hpe nye a lata kaw na hkye la lu ma ai n rai; Hezekia a karai mung shi a amyu masha ni hpe nye a lata na hkye la lu na ra ai n rai,” ngu nna tsun da nga ai.

SHAKAWN KUNGDAWN 44:16

nye a gumlau hpyen ni hte ngai hpe n ju n dawng ai ni a asawng asang ai hte n kaw n law re ai ni a nsen ni hpe na lu ai majaw; ngai gaw kaya kahpa hte htinggrum da hkrum nga nngai.

SHAKAWN KUNGDAWN 73:9

Shanhte gaw sumsing lamu na Karai Kasang hpe n kaja ai hku shatan nhkan ga tsun nna ga ntsa e nga ai masha ni hpe chyawm gaw, myit tsaw myit dap ai hkang da ai ga ni hte aming jaw ma ai.

SHAKAWN KUNGDAWN 74:10

O Karai Kasang e, na a gumlau hpyen ni gaw kade na hkra, nang hpe mani asawng nga na ma ai kun? Na a mying nsang hpe shanhte htani htana n kaw n law di nga na ma ai kun?

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

SHAKAWN KUNGDAWN 74:23

Na a gumlau hpyen ni a sin pawt lahtet marawn jahtau ai hte; na a hpyen ni matut manoi garu ai nsen ni hpe hkum malap kau nga et.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 5:2

Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

PRU MAT 9:17

Rai tim, nang mahtang myit nau kaba nga ndai rai nna, nye a amyu masha ni hpe dat dat na matu n hkraw nga ndai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:17

Karai Kasang, Israela a nhtoi gaw wan tai na ra ai. Israela a chyoi pra ai Karai Kasang gaw wan shinglet tai na ra ai, dai gaw lani mi hta sha arai shagu hte hpe hkru kau na ra ai, ju hpun ni hte sumwum ni hpe pyi hkru kau na ra ai.

ESAIA 10:20

Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 17:7

Dai nhtoi du ai shaloi, amyu masha ni gaw shanhte a Hpan Madu, Israela a chyoi pra ai Karai Kasang hpang de karum la na matu kayin wa na mara ai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

ESAIA 5:15

Masha shagu hte gaw sari jahpoi hkrum na mara ai, gumrawng gumtawng ai ni yawng hte gaw shagrit kau hkrum na mara ai.

ESAIA 5:21

Nang gaw dingnye hkrum nga ndai! Nang gaw hpaji rawng ai wa, grai ram dum ai wa hku nna nang myit nawn la nga ndai.

YEREMIA 48:42

Moba mung gaw ngai hpe gumlau nga ai majaw, dai mungdan gaw jahten sharun kau hkrum ai hte galoi mung amyu hku tai na ra ai n rai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

Daniela 8:11

Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.