ESAIA 37:2 - Jinghpaw Common Language Bible 2009

² Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

Jinghpaw Hanson Version Bible

² Bai shi gaw kunhting wa Eliakim yan chyare wa Shebna hte hkinjawng salang ni hpe, lachyit nba bu hpun let, Amot a kasha myihtoi Esaia hpang de shangun dat mu ai.

ESAIA 37:2 ပူးပေါင်းရင်းမြစ်များ

2 HKAWHKAM 18:18

Dai hpang shanhte gaw Hezekia hpe shaga dat ma ai. Shaloi Hezekia gaw shanhte hte sa hkrum na matu shi a du salang masum rai nga ai hkawhkam htingnu hpe hpareng ai Hilkia a kasha Eliakim, hkawhkam hkaw wang amu madu Shebna hte labau gawn amu hpareng rai nga ai Asap a kasha Yoa hte hpe shangun dat wu ai.

2 HKAWHKAM 19:2

Shi gaw hkawhkam htingnu hpe hpareng ai du Eliakim, hkawhkam wang na amu madu Shebna hte hkinjawng salang ni hpe Amot a kasha myihtoi Esaia hpang de shangun dat wu ai. Shanhte yawng mung lachyit hpun nba hpun da nga ma ai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

ESHTA 4:1

Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 22:15

Chyahtum Chyalai N-gun rawng ai Tsaw Htum ai dai Madu gaw hkawseng nta woi hpareng ai Shebna hpang de sa nna shi hpe ning ngu tsun na matu ngai hpe tsun ai:

ESAIA 22:20

Dai Madu gaw Shebna hpe, “Dai lam byin ai shaloi, ngai gaw Hilkia a kasha nye a shangun ma Eliakim hpe shangun dat na nngai.

ESAIA 36:3

Yuda masha masum gaw shi hte hkrum na matu pru sa wa ma ai: dai ni gaw hkawhkam htingnu hpe hpareng ai du salang ngu ai Hilkia a kasha Eliakim, hkawhkam hkaw amu madu Shebna hte labau mazing lit hkam ngu ai Asap a kasha Yoa ni rai ma ai.

ESAIA 37:14

Hkawhkam Hezekia gaw kasa ni kaw na laika la nhtawm dai hpe hti wu ai. Dai hpang shi gaw Nawku Htingnu de sa nhtawm dai shara dai Madu a man e laika tawn da nna,

ESAIA 37:21

Dai hpang Esaia gaw hkawhkam Hezekia hpang de shiga shana dat wu ai; dai gaw hkawhkam wa a akyu hpyi ga hpe madat ya nna

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.