Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ESAIA 37:16 - Jinghpaw Common Language Bible 2009

16 “Singkaw tu ai hkrung kanu ni a ntsa e dung nga ai Chyahtum Chyalai N-gun rawng nga ai dai Madu Israela a Karai Kasang e, nang gaw mungkan ga na mungdan yawng mayawng hpe up ai Karai Kasang nang chyu sha rai nga ndai. Nang gaw ginding aga hte sumsing lamu hpe hpan da nga ndai.

အခန်းကိုကြည့်ပါ။ ကော်ပီ

Jinghpaw Hanson Version Bible

16 Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai, nang gaw sumsing lamu hte ginding aga hpe hpan da nu ai.

အခန်းကိုကြည့်ပါ။ ကော်ပီ




ESAIA 37:16
34 ပူးပေါင်းရင်းမြစ်များ  

Shawng ningpawt e, Karai Kasang gaw ninggawn tawa hpe hpan da yang,


Na a mying ningsang galu kaba wa nna amyu masha ni mung, ‘Chyahtum Chyalai N-gun rawng ai Madu gaw Israela a ntsa e nga ai Karai Kasang rai nga ai,’ nga nna htani htana atsun nga na rai ma ai. Nang gaw nye a magam tingnyang hpe ju majat prat janat shagrin da ya nga nu ga law.


Dai nlung ni hte dai Madu hpe nawku na matu tawn hkungri bai galaw wu ai; de a grup grup hta hka galan mali daram hpe sha-ing da lu ai hka hkawng langai mi hpe htu wu ai.


Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.


Shi gaw shi a masha ni yawng hte Elisha hpang de nhtang wa nhtawm, “Ya chyawm gaw Israela Karai Kasang hta lai nna kaga karai n nga nga ai hpe ngai chye ni ai: dai re ai majaw madu e, chyeju hte ngai kaw na kumhpaw kumhpa hkap la ya e,” ngu nna tsun wu ai.


Karai Kasang gaw amyu masha ni rai nga ai nanhte yawng hte rau nga nga u ga. Nanhte gaw Yerusalem de wa nhtawm Karai Kasang hpe nawku na matu, dai Madu Israela a Karai kasang a Nawku Htingnu hpe bai gaw gap na rai myit dai.


Shi gaw sumsing lamu hte ginding aga, panglai hte dai hta rawng marawng yawng hte a hpan Madu rai ngai ai. Shi gaw shi a ga sadi ni hpe tut nawng e a shatup nga ai.


Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.


Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.


Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,


Nang gaw galu kaba nga nna mauhpa amu ni hpe galaw nga ndai; nang chyu sha Karai Kasang rai nga ndai.


Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.


Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.


Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”


Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.


Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.


Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,


“Ngai gaw nang hpe hkye hkrang la ai dai Madu rai nga nngai; Ngai gaw nang hpe hpan da ai wa rai nngai. Ngai gaw arai yawng mayawng hpe Hpan Da Ai Wa, dai Madu rai nga nngai. Ngai chyu sha sumsing lamu ni hpe kahpyan da nngai; Ginding aga hpe ngai hpan ai shaloi, kadai mung ngai hpe n karum nga ai.


Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.


Ngai gaw ginding aga hpe gaw da ai hte dai hta nga na matu shinggyim masha ni hpe hpan da nngai. Ngai gaw nye a daru magam n-gun hte sumsing lamu ni hpe kahpyan da nngai; Ngai gaw jan, shata hte shagan ni hpe hkang nngai.


“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.


Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.


Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”


Chyahtum Chyalai N-gun rawng ai Ngai Madu gaw chyoi pra nga nngai hpe dum nga u; Ngai gaw nang hkrit kamyin ai wa rai nga nngai.


Karai Kasang gaw dai Mungga hku nna arai yawng mayawng hpe hpan da nu ai. Hpan da ai arai yawng mayawng hta dai Mungga n lawm ai tai wa ai gaw langai mi mung n nga ai.


Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.


Hpa majaw nga yang, sumsing lamu hte ginding aga hta n-gun atsam rawng ai Wenyi minla ni, madu ni up hkang ai ni, ahkang aya lu ai hte hpawn myi hte mu lu ai, n mu lu ai hte hpe rai ti mung, dai Kasha wa a marang e hpan tawn da nu ai. Karai Kasang gaw arai yawng mayawng hpe shi a jaw e mung, shi a matu mara a matu mung hpan tawn da nu ai.


Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.


Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ