ESAIA 37:12 - Jinghpaw Common Language Bible 2009

¹² Nye a kaji kawa ni gaw Gozan, Haran, hte Rezep mare ni hpe jahten kau nna Telesa mung hta nga ai Behteden masha ni hpe sat kau manu ai, shanhte a karai ni kadai mung shanhte hpe n lu hkye la ma ai.

Jinghpaw Hanson Version Bible

¹² Nye a ji wa ni e jahten kau ai amyu ni gaw, Gozan, Haran, Rezep hte Telasa ginwang hkan e nga ai Eden kashu kasha ni rai ma ai; tinang a Hpara ni shanhte hpe hkye mawai la lu manu ni?

ESAIA 37:12 ပူးပေါင်းရင်းမြစ်များ

NINGPAWT NINGHPANG 11:31

Htera gaw shi a kasha Abram hte shi a kashu Haran a shadang sha Lawt hpe mung, shi a kanam Abram a madu jan Sarai hpe mung shaga woi nhtawm Hkanan mung de sa wa na nga, Babelon mung Ura mare kaw nna pru sa wa ai. Shanhte gaw Haran mare de du hkra sa nhtawm dai yang e nga nga ma ai.

NINGPAWT NINGHPANG 11:32

Htera chyawm gaw shi a asak 205 ning hta dai mare e si mat sai.

NINGPAWT NINGHPANG 12:14

Ya Egutu mung de shi lai bang mat wa ai shaloi shi a madu jan tsawm htap nga ai hpe Egutu masha ni mu ma ai.

NINGPAWT NINGHPANG 2:8

Dai hpang dai Madu Karai Kasang gaw sinpraw maga na Eden ngu ai shara hta sun langai hkai sharam tawn nhtawm dai shara hta shi shachyaw da sai shinggyim masha hpe tawn da wu ai.

NINGPAWT NINGHPANG 28:10

Ya Yaku gaw Berasheba kaw nna pru wa nhtawm Haran maga de sa wa wu ai.

NINGPAWT NINGHPANG 29:4

Yaku gaw sagu rem ai ni hpe, “Nye a jinghku ni e, nanhte kanang na rai nga myit ta?,” ngu nna san wu ai. Shanhte mung, “Haran ga na ni rai nga ga ai,” ngu nna htan mu ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM 18:11

Asuri hkawseng wa gaw Israela masha ni hpe bawng masha hku rim mat wa nhtawm shanhte hta na nkau mi hpe Hala mare, nkau mi hpe Gozan ginwang na Habora hka makau hte nkau mi hpe Medi mare ni hta nga shangun nga ai.

2 HKAWHKAM 19:12

Nye a kaji kawa ni gaw Gozan, Haran, hte Rezep mare ni hpe shamyit kau nna, Israela mung hta shanu nga ai Behteden amyu masha ni hpe sat kau nga ai; shanhte a karai ni shanhte hpe mawai la lu nga ma ai n rai.

ESAIA 36:18

Dai Madu gaw nanhte hpe hkye mawai la na ra ai, nga nna Hezekia gaw myit n su ai hku tsun ai ga hta n kadawng bang hkrup myit ga. Masha amyu baw ni a karai ni shanhte a mungdan ni hpe Asuri hkawseng a lata kaw na hkye mawai la yu manu sai kun?

ESAIA 36:19

Hamat hte Arpad yan a karai ni gaw ya kanang nga nga ma ta? Sehparim a karai ni kanang rai nga ma ta? Kadai wa Samari hpe hkye mawai la yu sani?

ESAIA 36:20

Ndai mungdan ni yawng na kaning re ai karai ni gaw shanhte a mungdan hpe hkawseng a lata kaw na galoi hkan hkye la yu masai kun? Dai re ai mi, nanhte gaw dai Madu Yerusalem hpe hkye la lu nga ai ngu myit la nga myit ni?,” ngu ja ja jahtau tsun wu ai.

ESAIA 37:13

Hamat, Arpad, Sehparim, Hena, hte Iwa mare ni a hkawhkam ni kanang nga nga ma ta?

EZEKELA 27:23

Haran, Hkane, Eden, Sheba, Asuri, Hkimada mare na hpaga ga ai ni gaw nang hte hpaga ga ma ai.

EZEKELA 28:13

Nang gaw Karai Kasang a sun ngu ai Eden hta nga nga ndai; lung seng amyu shagu ngu ai lung seng hkyeng ni, sein lung seng ni, utahpaya, myek-yoi, chyawng, nagahtoi, nila, mya hte patamya ni hpe ja hta hkrep nna mawn sumli da nga ndai. Nang gaw aja shakya rai ni lu nga ndai. Dai ni hpe nang hpan da hkrum ai shani hta nan, na a matu lajang da nga sai.

AMO LAIKA (AMOS) 1:5

Ngai gaw Damasku mare chyinghka htinggrang ni hpe agrawp daw kau nna, Awen kadit e nga ai ni hte Behteden hpe up hkang ai wa hpe yeng seng kau na nngai. Suri masha ni gaw Kira mung de bawng masha ni zawn woi mat wa hkrum na mara ai,” ngu nna tsun wu ai.

KASA 7:2

Stehpan gaw, “Hpu nau ni hte wa ni e, ngai tsun ai hpe madat mara yu mu! Anhte a kaji daju Abraham, Haran mare de garai n wa nga, Mesopotamia mung e naw rai nga yang, hpung shingkang rawng ai Karai Kasang gaw shi kaw dan pru nna,