ESAIA 36:8 - Jinghpaw Common Language Bible 2009

⁸ Ngai gaw hkawseng wa a mying hta nanhte hte manu dara na nngai. Nanhte gumra jawn masha law law lu tam ai rai yang, ngai nanhte hpe jawn gumra hkying lahkawng jaw na nngai.

Jinghpaw Hanson Version Bible

⁸ Dai re ai majaw, nye a madu Asuri hkawhkam wa hpe ga sadi tawn da mu; nang gaw gumra jawn ai masha chye tam yang, ngai nang hpe gumra hkying lahkawng jaw na de ai.

ESAIA 36:8 ပူးပေါင်းရင်းမြစ်များ

1 HKAWHKAM 20:10

Benhadad kaw nna nhtang wa mu ai: “Ndai na a mare hpe jahten sharun kau nna shanhte a lata ni hte wut shingyun ni hpe hpai mat wa lu hkra law ram ai masha ni hpe ngai woi sa wa na nngai. Dai zawn ngai n galaw lu ai rai yang karai ni ngai hpe si hkra adup mi ga law!”

1 HKAWHKAM 20:18

Benhadad gaw, “Shanhte gasat sa wa ai rai ti mung ngwi pyaw sim sa lam san jahkrup na mi rai tim, shanhte hpe jahkrung rim tawn mu,” ngu nna hkang dat wu ai.

2 HKAWHKAM 14:14

Shi mu tam ai aja, gumhpraw ni yawng hpe mung, Nawku Htingnu na arai ni yawng hpe mung, hkawhkam htingnu na sut rai yawng hpe mung la nna Samari mare de htaw mat wa ma ai. Shi gaw sat hkam na masha ni hpe mung shi hte rau woi mat wa wu ai.

2 HKAWHKAM 18:13

Hkawhkam Hezekia hkaw dung ai shi mali ning hta, Asuri Hkawseng Senahkerib gaw Yuda mung na bunghku kum ai mare ni hpe htim gasat nna dang la kau nga wu ai.

2 HKAWHKAM 18:23

Hkawseng wa a mying gang let, ngai nang hte manu dara na nngai; gumra jawn masha law law nang mu tam ai rai yang nang hpe ngai gumra hkying lahkawng jaw na de ai!

ESAIA 36:2

Dai hpang shi gaw shi a hpyen du wa hpe Lahkisha kaw nna Yerusalem de hpyen luksuk kaba hte sa nna Hkawhkam Hezekia hpe asum hkam shangun na matu hkang dat wu ai. Dai hpyen du wa gaw hpun nba hkrut ai wa a shara, lahta hka lawng kaw nna hka len yu wa ai namhkawng makau na nmaw lam hpe madu da nga ai.

ESAIA 36:7

Asuri hpyen du wa gaw matut nna, “Nanhte gaw dai Madu nanhte a Karai Kasang hta shamyet shanat nga ga ai ngu, ngai hpe tsun na myit ni? Dai gaw dai Madu a nawku shara ni hte tawn hkungri ni hpe Hezekia jahten kau ai shaloi shi gaw Yuda hte Yerusalem amyu masha ni hpe tawn hkungri langai hta sha nawku na lam tsun nu ai.

ESAIA 36:9

Nanhte gaw nem htum ai Asuri du salang hte pyi n lu shabung ai mi, Egutu masha ni nanhte hpang de hpyen leng ni hte jawn gumra ni shangun dat ya na myit mada nga myit ni?