ESAIA 36:16 - Jinghpaw Common Language Bible 2009

¹⁶ Hezekia a ga hpe hkum madat myit! Asuri hkawseng gaw dai mare kaw na pru wa nhtawm lata sharawt asum jaw na matu nanhte hpe hkang da nga ai. Nanhte yawng hte gaw tinang a sabyi ru ni kaw na sabyi si ni, tinang a hpun ni kaw na lakum si ni di sha, tinang a hka htung ni kaw na hka ntsin lu lu na ahkang lu na rai myit dai.

Jinghpaw Hanson Version Bible

¹⁶ Hezekia ga hpe hkum madat myit: Asuri hkawhkam gaw ning nga ai, Hpyen sim na lam hpyi mu, ngai hpang de pru marit; nanhte a mungdan hte bung ai, nai mam, tsabyi jahku hte hpring nga ai mung, muk hte tsabyi sun, tsanlun hpun hte lagat jahku hpring ai mung de, ngai nanhte hpe woi wa ai shani du hkra,

ESAIA 36:16 ပူးပေါင်းရင်းမြစ်များ

NINGPAWT NINGHPANG 32:20

Nanhte gaw, ‘Rai sa, na a shangun ma Yaku gaw anhte a shingdu e naw rai nga ai,’” ngu lu na myit dai, nga nna hkang da wu ai. Yaku mung, “Ngai shi hpe kumhpaw kumhpa jaw ya nna, shi a myit hpe kayin wa hkra lau la na we ai; shaloi ngai shi hte hkrum yang, ngai hpe mara mahkoi mi dat ya nhten,” ngu nna myit yu nga ai.

NINGPAWT NINGHPANG 33:11

Na a matu ngu nna ngai la wa ya ai ndai kumhpa hpe chyeju hte hkap la ya e; Karai Kasang mung ngai hpe matsan dum la nna, ngai hta ra ai lam magup hpe jaw ya ni ai,” ngu nna tsun wu ai. Yaku mung shi hkap la ai aten du hkra a shadut nga wu ai.

2 SAMUELA 8:6

Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

1 HKAWHKAM 4:25

Shi ahkrung nga dingsa Yuda hte Israela mung na amyu masha ni shim lum ai hte shanu nga lu ma ai majaw, dinghku shagu tinang nang a sabyi ru ni hte lakum hpun ni hta ngwi pyaw ai hte nga lu ma ai.

2 HKAWHKAM 18:31

Hezekia a ga hpe hkum madat myit. Mare kata kaw nna pru nhtawm lata sharawt asum hkam na matu Asuri hkawseng wa nang hpe tsun nga sai. Dai shaloi nanhte a mungdan hte bung ai nanhte a matu sabyi jaw ya ai sabyi sun ni, muk kabaw na matu nsi naisi, tsanlun sau a matu tsanlun hpun ni hte lagat ntsin pru ai mung de hkawseng wa bai woi wa ai aten du hkra, nanhte gaw nanhte a sabyi ru ni hta na sabyi si ni hpe mung, nanhte a hpun ni hta na maihpang si ni hpe sha lu nhtawm nanhte a hka htung ni hta na nan hka ja lu na ahkang lu na rai nga myit dai. Shi hkang da ai hte maren nanhte hkan galaw myit dai rai yang, nanhte si na n rai; hkrung nga lu na rai myit dai. Rai ti mung dai Madu gaw nanhte hpe hkye mawai la na ra ai nga nna nanhte a myit nawn ai lam Hezekia nanhte hpe mana hkum shachyoi kau shangun nga myit.

2 HKAWHKAM 5:15

Shi gaw shi a masha ni yawng hte Elisha hpang de nhtang wa nhtawm, “Ya chyawm gaw Israela Karai Kasang hta lai nna kaga karai n nga nga ai hpe ngai chye ni ai: dai re ai majaw madu e, chyeju hte ngai kaw na kumhpaw kumhpa hkap la ya e,” ngu nna tsun wu ai.

GA SHAGAWP 27:18

Lakum hpun hpe yu lajang u, shaloi nang lakum si sha lu na ra ai; shi a madu hpe bau sin ai mu gun kaja wa gaw, shagrau sha-a ai hkam la na ra ai.

GA SHAGAWP 5:15

Na a madu jan hta sadi dung nga u; shi hpe chyu sha, na a tsaw ra myit jaw ya nga u.

ESAIA 36:17

Dai hpang hkawseng wa gaw sa nna nanhte a mungdan hte bung ai kaga nga shara bai lajang ya na ra ai; dai shara hta nanhte gaw sabyi sun ni kaw na sabyi ntsin, muk kabaw na matu nai mam nsi naisi sha lu na rai myit dai.

MIHKA 4:4

Masha shagu gaw tinang a sabyi sun ni hte lakum hpun lapran hkan ngwi pyaw sim sa ai hte nga lu na mara ai, kadai mung shanhte hpe jahkrit na mara ai n rai. Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.

ZEHKARIA 3:10

Dai nhtoi du ai shaloi, nanhte langai hte langai gaw nanhte a sabyi sun ni hte lakum hpun tu ai grup yin shara hta tinang htingbu ni hpe shaga la nna ngwi pyaw sim sa ai hte shim lum ai hte nga lu na rai myit dai.”

2 KORINHTU 9:5

Dai re ai majaw, nanhte shawang kumhpa ga sadi jaw da sai hte maren, dai hpe hkyen lajang shajin da na matu ndai hpu nau ni hpe nanhte hpang de nye a shawng e tau hkrau shangun dat ra nga ai ngu nna ngai myit nngai. Ngai du sa ai shaloi alu shajin shangut da chyalu rai nna nanhte a jaw ya ai gaw jaw ra ai lit shaprai ai hku n re ai sha jaw mayu ai shawang myit hte jaw ya ai re ai lam madun dan lu na rai nga ai.

1 SAMUELA 11:3

Yabesha ningbaw ni gaw, “Dai rai taw gaw, Israela mungdan ting de kasa ni hpe dat dat lu hkra nhtoi sanit ya, anhte hpe naw jaw mi. Shaloi anhte hpe karum la na masha kadai mung n nga sayang chyawm gaw nang kaw anhte asum hkam na saga ai,” ngu nna tsun ma ai.

1 SAMUELA 25:27

Madu e, chyeju hte na a matu ngai la sa ya ai ndai kumhpa ni hpe hkap la ya e; ndai ni na a masha ni hpe jaw u.