ESAIA 36:12 - Jinghpaw Common Language Bible 2009

¹² Shi gaw, “Nanhte hte hkawhkam wa hpe chyu sha ndai lam yawng mayawng tsun dan na matu, hkawseng wa ngai hpe shangun dat ai re ngu myit nawn da mu ni? Ngai gaw nanhte zawn tinang a hkyi sha nna tinang a jit lu na rai nga ai dai bunghku ntsa e dung nga ai amyu masha ni hpe mung tsun nga nngai,” ngu nna htang tsun wu ai.

Jinghpaw Hanson Version Bible

¹² Rabshake mahtang, “Nye a madu gaw, nang hte na madu hpe ndai ga tsun dan u nga, ngai hpe shangun dat ai rai kun? mare bunghku hta dung nga let, nanhte hte rau tinang a hkyi sha nna, tinang a jit lu ai ni hpang de shangun dat ai, n rai ni?” ngu nna, shanhte hpe htan mu ai.

ESAIA 36:12 ပူးပေါင်းရင်းမြစ်များ

2 HKAWHKAM 18:27

Shi gaw, “Nang hte hkawhkam wa hpe ndai ga ni mahkra tsun dan na matu hkawseng wa ngai hpe shangun dat ai zawn nang myit nawn da wu ni? N rai law, nanhte zawn shanhte a hkyi shanhte sha nna shanhte a jit shanhte lu na mara ai ngu nna she mare bunghku ntsa e dung nga ai masha ni hpe ngai tsun nga nngai.

ESAIA 36:11

Dai hpang Eliakim, Shebna hte Yoa ni gaw hpyen du wa hpe, “Anhte hpe Aramik ga hte shaga mi. Anhte dai ga chye na ga ai. Hebre ga hte hkum shaga mi; bunghku ntsa e nga nga ai ni yawng madat nga ma ai,” ngu nna tsun ma ai.

ESAIA 36:13

Dai hpang hpyen du wa rawt tsap nna Hebre ga hte, “Asuri hkawseng nanhte hpe tsun nga ai ga hpe madat mu.

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

EZEKELA 4:12

Nang gaw wan dap langai galaw nhtawm masha a hkyi katsing hpe wan n-ga ntsa e muk kabaw ai zawn kabaw nna masha shagu nang hpe mu mada ai shara hta dai hpe sha dan u,” ngu nna tsun wu ai.

EZEKELA 4:16

Shi gaw, “Si chye ai masha wa e, Yerusalem a matu jaw ai muk hpe dawm kau ya na nngai. Dai mare hta nga ai amyu masha ni gaw shanhte sha ai lusha hte shanhte lu ai ntsin ni hpe shen nna shadang hte lu ma ai majaw myit ru myit kahpra na mara ai.

JAW JAU 26:29

Nanhte a kawsi kyet ai gaw grau sawng wa nna nanhte a kashu kasha ni hpe pyi sha kau na rai myit dai.