ESAIA 36:10 - Jinghpaw Common Language Bible 2009

¹⁰ Dai Madu a karum la lam n nga ai sha na a mungdan hpe gasat nna jahten kau na re ngu, nang myit nawn da wu ni? Dai Madu nan dai mungdan hpe gasat nna jahten kau na matu ngai hpe tsun ni ai,” ngu wu ai.

Jinghpaw Hanson Version Bible

¹⁰ Yehowa ahkang n jaw ai, ndai mung hpe jahten na, ngai lung wa nni? Yehowa gaw ngai hpe, Ndai mung hpe lung gasat nna jahten kau u, ngu ni ai,” ngu mu ai.

ESAIA 36:10 ပူးပေါင်းရင်းမြစ်များ

2 HKAWHKAM 18:25

Dai Madu a karum la lam n nga ai sha, na a mungdan hpe ngai shang gasat nna dai hpe ngai jahten sharun kau na re ngu, nang myit nawn da wu ni? Dai Madu shi nan dai mungdan hpe htim gasat nhtawm jahten sharun kau na matu ngai hpe tsun da ni ai,” ngu nna tsun wu ai.

1 HKAWHKAM 13:18

Dai hpang Behtela mare na myihtoi dingla wa gaw shi hpe, “Ngai mung nang hte maren sha myihtoi langai mi rai nga nngai, dai Madu a hkang da ai ga hta, nang hpe ngai nta de woi wa nna hkalum la na lam lamu kasa ngai hpe tsun ai,” ngu nna tsun dan wu ai. Rai ti mung myihtoi dingla wa chyawm gaw masu tsun nga wu ai.

2 HKAWHKAM LABAU 35:21

rai ti mung Niko gaw Yoshia hpang de ning ngu shiga shana dat wu ai: “Ngai gasat nga ai ndai majan gaw nang Yuda Hkawhkam wa hte hpa n seng nga ai. Nang hpe gasat na matu ngai pru sa ai n rai; nye a gumlau hpyen ni hpe gasat na she ngai pru sa nngai. Tin tin rai galaw na matu Karai Kasang ngai hpe tsun ni ai. Karai Kasang gaw nye a maga de nga nga ai majaw ngai hte nhtan shai ai lam hkum galaw et; dai n rai yang shi nang hpe jahten shamyit kau na ra ai.”

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

ESAIA 37:28

“Rai ti mung ngai gaw nang hte seng ai nang hpa galaw nna gara de hkawm sa ai lam magup hpe chye nngai. Nang ngai hpe kade daram n-yun bu ai hpe mung ngai chye nngai.

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

1 HKAWHKAM 22:12

Kaga myihtoi ni yawng mung dai hte maren tsun ma ai. Shanhte gaw, “Ramot mare hpe lung gasat mu, dang la na ra ai; dai Madu mung nan hpe awng padang jaw ya na ra ai,” ngu nna tsun mu ai.