ESAIA 35:3 - Jinghpaw Common Language Bible 2009

³ Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

Jinghpaw Hanson Version Bible

³ N-gun kya ai lata hpe n-gun shaja mu; gari ai lahput ni hpe shangang mu:

ESAIA 35:3 ပူးပေါင်းရင်းမြစ်များ

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

YOBA 16:5

Ngai mahtang hpaji ga hte nang hpe n-gun atsam jaw lu nngai; nang hpe shalan shabran na matu ashaga nga na nngai.

PRU MAT 17:12

Mawshe a lata lahpum tsu wa ai shaloi, Arun hte Hura yan gaw shi a matu nlung langai mi la nna dung shangun ma ai; shan mung shi a lata lahpum hpe sharawt da ya mu ai rai nna, jan du wa hkra dingyang jum shadaw ya ma ai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

ZEHPANI 3:16

Shanhte gaw Yerusalem hpe ning ngu tsun na aten aten du wa nga sai, “Ziun mare e, hkum hkrit nga et! Na a lata hkum shakya kau nga et!

ZEHKARIA 8:9

“Nden marai shaja mu! Nye a Nawku Htingnu hpe bai gaw gap na matu npawt nhpang jahkrat hpang ai aten e myihtoi ni tsun ai ga hpe sha, ya nanhte na nga myit dai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

LUKA 22:43

Dai shaloi, lamu de na lamu kasa langai mi shi kaw dan pru nna, shi hpe sa shalan n-gun jaw ya wu ai.

KASA 18:23

Dai kaw tawng marang mi nga nhtawm, shi bai pru nna Galati mung hte Hprugi mung hpe ga lai sa wa let, kam sham ai ni nlang hpe shadaw shangang nga ai.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.

TARA AGYI 7:11

Shanhte kaning nga tsun ai hpe nang na ai shaloi htim gasat na n-gun, nden marai nang lu la na rin dai,” ngu nna hkang da wu ai. Dai rai nna Gidon hte shi a shangun ma Pura yan gaw gumlau hpyen ni a dap makau de kahtep sa wa ma ai.

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”