ESAIA 34:8 - Jinghpaw Common Language Bible 2009

⁸ Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

Jinghpaw Hanson Version Bible

⁸ Kaning rai nme law, Ziun a lam majaw matai htang na shani hte, ari jaw na shaning, Yehowa tawn da sai.

ESAIA 34:8 ပူးပေါင်းရင်းမြစ်များ

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 47:3

Amyu masha ni gaw nang singgu krin rai nga ai hpe mu na mara ai; shanhte gaw nang shagrit kau hkrum ai hte kaya kahpa hkrum sai hpe mu na mara ai. Ngai matai dawk na nngai, kadai mung ngai hpe jahkring lu na n rai,” ngu nna tsun ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 63:4

Nye a amyu masha ni hpe hkye la na aten du nga sai; nye a gumlau hpyen ni hpe ari jaw na aten rai nga sai, ngu ngai daw dan ni ai.

YEREMIA 46:10

Ndai gaw Chyahtum Chyalai N-gun Rawng ai Tsaw Htum ai dai Madu a shani rai nga ai: dai ni gaw shi matai dawp na ra ai; dai ni gaw shi a gumlau hpyen ni hpe ari jaw na ra ai. Shi a nhtu gaw hkru kat wa ai aten du hkra shanhte hpe sha kau na ra ai, shanhte a asai hpe myit dik hkra lu na ra ai. Chyahtum Chyalai N-gun Rawng ai Madu gaw dai ni e, dingdung maga Uhprat hka kau e shi a tsin-yam hkrum sha ai masha ni hpe nawng ya nga ai.

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

MIHKA 6:1

Israela hte dangrang hkat ai dai Madu a amu hpe madat mu. O Madu e, rawt u, na a amu jashawn u; bum ni hte kawng ni nang hpa tsun ai lam na la mu ga.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

SHINGRAN 14:11

Shanhte hpe nni nkri di zingri ai hta na wan hkut gaw, htani htana prat dingsa amawng lung nga ai. Dai matse labye hte shi a hkrang sumla hpe nawku ai ni hte, shi a mying a masat dingsat shakap hkam la ai ni yawng gaw, shani shana htingtsi hkyamsa ai lam lu la na ma ai n rai,” nga nna nsen kaba hte jahtau tsun ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.