ESAIA 34:7 - Jinghpaw Common Language Bible 2009

⁷ Amyu masha ni gaw hpawlam hte usu ni zawn kadawng taw mat na mara ai, ginding aga gaw sai hte hkyeng nna sau hte ka-up da ai hkrum na ra ai.

Jinghpaw Hanson Version Bible

⁷ shanhte hte hpawn hpawlam ni, usu ni hte utang ni kadawng taw nna, shanhte a lamu ga gaw asai hte nang nna, ga nhpu gaw sau man hte sau na ra ai.

ESAIA 34:7 ပူးပေါင်းရင်းမြစ်များ

SHAKAWN KUNGDAWN 22:21

Ndai hkanghkyi ni kaw na ngai hpe mawai la e; ndai matse labye usu ni a man e, ngai gaw karum la masha n nga ai hte garen gari hkrum nga nngai.

SHAKAWN KUNGDAWN 68:30

Mai-aw pa na matse labye dusat ngu ai Egutu mung hpe daru kau u; usu hpung ni hte shanhte a dumsu kasha ni ngu ai amyu baw ni gaw, nang hpe yawng jawm dingnyawm nna shanhte a gumhpraw sak jaw wa ai aten du hkra daru kau u. Majan shabyin na hpe ra sharawng nga ai ni hpe shabra kau u!

SHAKAWN KUNGDAWN 92:10

Nang gaw ngai hpe hpaw lam zawn n-gun shaja ya nna; ngai hpe kabu gara ai hte nang shaman ya nit dai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 46:21

Shi saw shaga da ai hpyenla ni pyi dumsu kasha ni zawn karum la lam n lu nga ma ai. Shanhte gaw n tsap lu ai hte n gasat lu ma ai; shanhte yawng gaw kayin kagat mat wa ma ai. Shanhte hpe daw dan ai nhtoi hte shanhte hpe jahten shabyak na aten gaw du nga sai.

YEREMIA 50:11

Dai Madu gaw, “Babelon mung masha ni e, nang gaw nye a amyu hpe hpya sha kau nit dai; nanhte gaw mam kabye nga ai dumsu shing n rai shabam ai gumra zawn kabu gara ai hte kayin hkawm nga myit dai,

YEREMIA 50:27

Shanhte a hpyenla yawng hpe sat kau mu! Shanhte hpe sat sharu kau mu! Babelon masha ni gaw tara daw dan ai hkrum nga manu ai! Shanhte hpe ari jaw na aten du nga sai!,” ngu nna tsun ai.

EZEKELA 32:6

Na a asai hpe bum ga de du hkra ru jaw nna hka shi ni hta mung na a asai hte jahpring da na nngai.

EZEKELA 39:17

Tsaw Htum ai dai Madu gaw ngai hpe, “Si chye ai masha wa e, ntsa malen u ni hte matse labye dusat dumyeng mahkra hpe shanhte a matu lajang da ya nga ai shagu hkungga sa sha na matu shara shagu de na sa zup na saw shaga dat u. Dai gaw Israela bum ni a ntsa na kaba htum ai lusha poi rai na ra ai; shanhte gaw shan sha lu nna asai mung lu lu na mara ai.

EZEKELA 39:18

Shanhte gaw share ninghkrin ni a ashan sha nna, mungkan ga up hkang ai mung du ni a asai ni hpe lu na mara ai; yawng hte mung sagu la, sagu kasha, bainam hte hpum sau ai usu ni zawn sat kau hkrum na mara ai.

BU HKAWM 23:22

Karai Kasang gaw shanhte hpe Egutu mung kaw na woi shapraw wa nu ai; Shi gaw dumbau zawn shanhte a matu gasat malan ya nga ai.

BU HKAWM 24:8

Karai Kasang gaw shanhte hpe Egutu mung kaw nna woi shapraw wa nu ai; Shanhte a matu dumbau langai zawn shi gasat malan ya nga ai; Shanhte a gumlau hpyen ni hpe sha kau nna, nra ni hpe agrawp kau nhtawm Shanhte lang ai ndan pala ni hpe gang daw kau ya na wu ai.

TARA JAHPRANG 33:17

Usu n-gun mung, hpawlam nrung mung Yosep hta rawng nga ai; Shi a nrung gaw Manashe a matu hkying hkying rai nna, Ehprim a matu mun mun rai nga ai. Dai ni hte masha amyu ni hpe daru nna, lamu ga htum hkra dai ni hpe kanawng sit kau na mu ai.”