ESAIA 34:3 - Jinghpaw Common Language Bible 2009

³ Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

Jinghpaw Hanson Version Bible

³ Shanhte hta sat kau hkrum ai ni hpe, shinggan de kabai kau nna, shanhte a si mang ni manam mawng na ra ai; shanhte a sai hte bum ni dun mat na ra ai.

ESAIA 34:3 ပူးပေါင်းရင်းမြစ်များ

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 34:7

Amyu masha ni gaw hpawlam hte usu ni zawn kadawng taw mat na mara ai, ginding aga gaw sai hte hkyeng nna sau hte ka-up da ai hkrum na ra ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 22:19

Lawze hpe shagrau sha-a lup makoi kau ai zawn shi gaw dun garawt ai hkrum nna Yerusalem a chyinghka ni a shinggan de kabai kau hkrum na ra ai,” ngu nna tsun ai.

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

EZEKELA 14:19

“Ngai gaw ndai mungdan a ntsa e ana zinli jahkrat dat nna nye a sindawng kahtet ai hta asak law law jasum kau nhtawm masha hpe mung, yam nga ni hpe mung sat kau ai rai yang,

EZEKELA 32:4

Ngai nang hpe hkarang ntsa de kabai shapraw tawn nna mungkan ting na ntsa malen u ni hte dusat ni yawng nang hpe amya sha na matu jahpawng da na nngai.

EZEKELA 35:6

Dai re ai majaw, Tsaw Htum ai dai Madu ngai gaw teng teng ahkrung nga ai Karai Kasang rai nga nngai, dai majaw si hkrung si htan gaw na a hpang jahtum na maka rai nga ai hte dai kaw na nang hprawng lawt lu na ndai n rai. Nang gaw masha sat ai mara lu nga ndai majaw, dai gaw nang hpe hkan shachyut na ra ai.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

EZEKELA 39:11

Dai Madu gaw, “Ndai lam yawng byin wa ai shaloi, Israela mung na Jum Nawng a sinpraw maga de nga ai Bu Hkawm Ai Ni a Kadit hta Goga hpe lup makoi na shara ngai jaw na nngai. Goga hte shi a hpyen luksuk ni yawng gaw dai shara lup makoi ai hkrum nna dai kadit hpe mung, ‘Goga Hpyen Luksuk a Kadit,’ ngu nna shamying da na mara ai.

EZEKELA 39:4

Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

YOELA 2:20

Ngai gaw dingdung maga de na du sa ai dinggam-yaw hpyen hpung hpe jahtaw kau nna shanhte hta na nkau mi hpe nam mali de gawt kau na nngai. Shanhte a shawng man na arawng aya lu ai ni hpe Jum Nawng de, shanhte a shingdu arawng aya lu ai ni hpe Ka-ang Panglai de gawt kau na we ai. Shanhte a moi mang ni manam hkying na mara ai. Shanhte yawng nanhte hpe galaw manu ai majaw, shanhte hpe ngai jahten shaza kau na we ai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

NAHUM 3:3

Gumra jawn ai hpyen hpung ni gaw tu gala ai nhtu ni, kabrim ai nri ni hte htim sa ma ai! Moi mang ni sumpum nga ai, si mang ni hti n dang hkra law nga ai, lasha ni dai ni hta ahtu kataw nga ma ai!

SHINGRAN 14:20

Sabyi si ni hpe mare shinggan e sabyi htumbyen hta kabye shup nna, dai hta na sai lwi pru wa ai gaw, galu de mai lahkawng tsa, sung de pe manga daram ganoi rai nga ai.