ESAIA 33:9 - Jinghpaw Common Language Bible 2009

⁹ Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

Jinghpaw Hanson Version Bible

⁹ Mungdan gaw yawn nga nna nyui mat nga ai; Lebanon gaw mak mat nna, hkraw mat nga ai; Sharon gaw zaibru jang hte bung nna, Bashan hte Hkarmela gaw ashun awam nga ma ai.

ESAIA 33:9 ပူးပေါင်းရင်းမြစ်များ

YOBA 15:33

Shanhte gaw n myin ai sabyi si ni hpe sharun kau ai sabyi ru zawn mung, apu ni run hkrat mat ai tsanlun hpun zawn tai mat na mara ai.

Shawlumon A Mahkawn Ga 2:1

Ngai gaw Sharon pa na nam nampan, bum kadit hkan e tu ai hka law pan sha rai nga nngai.

ESAIA 10:34

Dai Madu gaw shanhte hpe maling kata na hpun ni hpe nwa hte kran kadang kau ai hte tsawm ai Lebanon hpun ni hpe pyi kran daw kau ai zawn shanhte hpe kran kadawng kau na ra ai.

ESAIA 14:8

Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

ESAIA 2:13

Shi gaw Lebanon a tsaw ai arit hpun ni hte Bashan lamu ga hta tu ai wamyi hpun ni yawng hpe jahten kau na ra ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 37:24

Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

ESAIA 65:10

Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

YEREMIA 50:19

Ngai gaw Israela amyu masha ni hpe shanhte a mungdan de nhtang wa shangun na nngai; shanhte gaw Hkarmela bum ntsa hte Bashan ginwang hkan tu ai namlaw namlap lusha ni sha nna, Ehprim hte Gilead mungdaw hkan shanhte ra ai made tu ai nsi naisi ni sha lu na mara ai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

KASA 9:35

Luda hte Sharon mare e nga ai masha nlang hte mung shi hpe mu nna Madu hpang de kayin bang wa ma ai.

TARA JAHPRANG 3:4

Dai aten hta shanhte a mare ni yawng hpe anhte hpya kau ga ai rai nna anhte n dang la lu ai mare langai mi mung n ngam nga sai. Bashan hkawhkam up hkang ai Argoba ginwang na mare ni yawng kru shi tup hpe anhte madu kau lu saga ai.