ESAIA 33:8 - Jinghpaw Common Language Bible 2009

⁸ Ningmaw lam kaba ni grai hkrit tsang shara rai nna kadai mung dai lam hku n lai hkawm ma ai. Ga shaka ni mung hten mat nna myit hkrum lam ni run mat nga sai. Kadai mung hkungga n hkrum nga sai.

Jinghpaw Hanson Version Bible

⁸ Ningmaw lam ni shingran katsi mat sai; lam hta lai hkawm ai kadai n nga ai; hpyen wa gaw ga shaka hten sai; mare ni hpe mung n nawn, masha ni hpe mung n sawn ma ai.

ESAIA 33:8 ပူးပေါင်းရင်းမြစ်များ

SHAKAWN KUNGDAWN 10:5

Tara n lang ai wa gaw lam shagu hta awng dang nga ai. Shi gaw Karai Kasang a tara dara ai lam ni hpe n chye na lu nga ai; shi gaw shi a gumlau hpyen ni hpe jahpoi asawng kau nga ai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

ESAIA 36:1

Yuda hkawhkam Hezekia hkaw dung ai shi mali ning hta, Asuri hkawseng Senahkerib gaw Yuda mung na bunghku kum da ai mare ni hpe gasat nna dai ni hpe madu la kau wu ai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

JAW JAU 26:22

Ngai gaw nanhte hpang de hkrit hpa matse labye dusat ni hpe dat dat nna, dai ni gaw nanhte a kashu kasha ni hpe kawa sat nhtawm nanhte a yam nga hpung shagrawm kau ya na mara ai. Nanhte hta na nkau mi hpe sha ngam tawn da na ra ai. Nanhte sa na hkrun lam ni katsi mat shajang na ra ai.

TARA AGYI 19:17

Dai dingla wa gaw dai mare kata nmaw lam e bu hkawm ai wa hpe yu matsing nna shi hpe, “Nang kanang na rai wa n ta? Ya gara de sa wa nga n ta?,” ngu nna san wu ai.

TARA AGYI 5:6

Anat a shadang sha Shamga a lak htak hte Yaela a aprat hte hta, hpaga nmaw lam katsi mat nna, bu hkawm ai ni masun lam ni hpe she lang mat masai.

1 SAMUELA 17:10

Dai ni, ngai Israela luksuk hpe dakat nga nngai. Ngai hte shada chyaw rai htim gasat lu na masha langai ngai shaw shapraw dat yu mu le!,” ngu nna jahtau tsun wu ai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.