ESAIA 33:6 - Jinghpaw Common Language Bible 2009

⁶ Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

Jinghpaw Hanson Version Bible

⁶ N taw n tsang ai hkye hkrang la ai lam, hpaji byeng-ya hte chye chyang ai lam, na a prat dingsa e grin nga na ra ai; Yehowa hpe hkrit hkungga ai lam, na a sutgan rai nga ai.

ESAIA 33:6 ပူးပေါင်းရင်းမြစ်များ

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

YOBA 4:6

Nang gaw Karai Kasang hpe nawku ndai, na a asak hkrun lam gaw mara shagun shara n nga nga ai; dai rai nna nang gaw kam hpa ai hte myit mada shara lu la ang nga ndai.

SHAKAWN KUNGDAWN 140:7

Nye a Grau Htum Ai Madu Chyahtum Chyalai n-gun hte hpring nga nna, ngai hpe makawp maga ai Madu e, nang gaw ngai hpe majan pa hta makawp maga ya nit dai.

SHAKAWN KUNGDAWN 28:8

Dai Madu gaw shi a amyu masha ni hpe makawp maga nga ai; lata la hkrum ai shi a hkawhkam wa hpe makawp maga ai hte hkye hkrang la nga ai.

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

GA SHAGAWP 14:24

Hpaji rawng ai masha ni gaw sut gan hte shagrau hkam la nga ma ai; angawk ai masha ni chyawm gaw shanhte a angawk angak lam hta gumhkawng nga ma ai.

GA SHAGAWP 14:26

Dai Madu hpe hkrit hkungga ai gaw dinghku masha ni hte shi a matu, kam hpa shara hte shim lum ai lam hpe jaw ya nga ai.

GA SHAGAWP 14:27

Nang gaw si hkrung si htan hpe koi yen mayu nga n ni? Madu hpe hkrit hkungga ai gaw asak hka hpawk rai nga ai.

GA SHAGAWP 15:16

Matsan hkam let, Madu hpe hkrit hkungga ai lam gaw sut su nna nni nkri hkrum sha ai hta grau mai kaja nga ai.

GA SHAGAWP 19:23

Dai Madu a ga madat mara nga u, shaloi, nang asak aprat ugut gu hkra nga lu na ra ai; myit pyaw myit hkut ai hte hkrithpa aru ara kaw na shim lu na ra ai.

GA SHAGAWP 2:5

Shing rai yang, dai gaw, “Dai Madu hpe hkrit hkungga ai ngu ai lachyum hpe nang chye wa nna; Karai Kasang a lam sharin la ai lam hta nang awng dang wa na ndai.

GA SHAGAWP 28:2

Amyu masha ni yubak hkrum sha ai shaloi, dai hta mung du ni langai hpang langai up hkang na mara ai. Rai ti mung, nyan sam ai hte htauli htaula myit rawng ai ningbaw ningla ni woi hkang ai shaloi, mungdan gaw n-gun rawng wa nna grin ngang nga ai.

GA SHAGAWP 29:4

Hkawhkam wa gaw teng man ai tara hta shang tsap ai shaloi, mungdan n gun rawng wa nga ai; sake manawn chyu sha, sha ai wa chyawm gaw shi a mungdan hpe sharun shabyak kau na ra ai.

HPAJI NINGLI 7:12

gumhpraw gaw nang hpe shim lam dang lu ai made jaw ya lu ai zawn jaw na ra ai. Hpaji byeng-ya gaw nang hpe makawp maga ya nga ai-dai gaw machye machyang a akyu rai nga ai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 32:17

Masha hkum shagu gaw jaw ai amu galaw wa na mara ai majaw dai mung e ngwi pyaw sim sa lam hte shim lum lam htani htana nga nga na ra ai.

ESAIA 32:18

Karai Kasang a amyu masha ni gaw tsin-yam tsindam kaw na shalawt hkrum na mara ai, shanhte a dum nta ni ngwi pyaw sim sa ai hte shim nga na mara ai.

ESAIA 33:20

Anhte a nawku htung hte seng ai poi ni galaw ai Ziun mare hpe yu u. Yerusalem hpe yu u! Dai shara hta shanu nga lu ai gaw kade sha shim nga a hka! Dai gaw galoi mung n htawt, mailak ni galoi mung n baw ra, sumri ni galoi n tsam n di mat ai sum langai hte bung na ra ai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 51:14

Bawng dung hkrum ai ni mung kade n na yang shalawt dat ai hkrum na mara ai; shanhte gaw asak galu hkra nga lu nna shanhte ra ai malu masha yawng lu na mara ai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

1 TIMOHTI 6:6

Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.