ESAIA 33:5 - Jinghpaw Common Language Bible 2009

⁵ Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

Jinghpaw Hanson Version Bible

⁵ Yehowa gaw galu kaba nga ai; shi gaw matsaw ntsang de dung nga ai; shi gaw Ziun bum hpe tara ding nna, dinghpring ai hte jahpring da wu ai.

ESAIA 33:5 ပူးပေါင်းရင်းမြစ်များ

SHAKAWN KUNGDAWN 118:16

Shi a daru magam atsam hte anhte hpe awng padang lam jaw ya sai; shi a chyahtum chyalai n-gun hte majan hpe dang kau nu ai,” nga nna Karai Kasang a amyu masha ni shanu nga ai sum ni kaw nna kabu gara jahtau ai awng padang nsen ni hpe madat mu.

SHAKAWN KUNGDAWN 123:1

Madu e, nang up hkang nga ai Sumsing lamu de ngai mada yu nngai.

PRU MAT 15:1

Dai shaloi Mawshe hte Israela masha ni gaw dai Madu hpe ndai mahkawn ga hte mahkawn mangoi ma ai: “Dai Madu gaw hpung shingkang hte hpring ai awng padang hpe ninglaw nu ai majaw ngai shi hpe mahkawn mangoi na nngai; shi gaw gumra ni hte dai hta jawn ai ni hpe panglai kata de kabai gumpye kau nu ai.

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

ESAIA 12:4

Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 28:6

Shi gaw tara agyi amu galaw ai ni hpe teng man ai nyan hte, mare chyinghka lam e hpyen hkap manga kau lu ai ni hpe n-gun atsam jaw na ra ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 32:1

Lani mi na nhtoi hta ding hpring ai myit hte up na hkawhkam langai hte teng man rap ra ai tara hte up hkang na ningbaw ni paw pru wa na mara ai.

ESAIA 33:10

Dai Madu gaw masha amyu baw ni hpe, “Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.

ESAIA 33:4

Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

YEREMIA 31:23

Chyahtum Chyalai N-gun Rawng ai dai Madu Israela a Karai Kasang gaw, “Amyu masha ni hpe shanhte a mungdan de ngai bai woi wa ai shaloi, shanhte gaw Yuda mung hte de a mare ni hkan, ‘Dai Madu gaw Yerusalem a chyoi pra ai bum, shi shanu nga ai chyoi pra ai shara hpe shaman ya nga u ga,’ ngu nna kalang mi bai tsun lu na mara ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

ROMA 3:26

Rai ti mung Karai Kasang gaw ndai prat hta shi a ding hpring ai lam shadan dan na matu shinggyim masha ni a yubak mara ni hte seng nna shabyin ai lam nga nga ai. Karai Kasang gaw shi nan ding hpring ai Madu rai nga ai hpe mung, Madu Yesu hpe kam sham ai ni yawng hte hpe ding hpring ai ni ngu nna hkap la ai hpe mung shadan dan nu ai.