ESAIA 33:4 - Jinghpaw Common Language Bible 2009

⁴ Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

Jinghpaw Hanson Version Bible

⁴ Nanhte gaw dinggam-yaw zawn lanep mahkawng la nna, masha ni gaw hkagrit zawn, dai hpe lahkan hta la na mara ai.

ESAIA 33:4 ပူးပေါင်းရင်းမြစ်များ

2 HKAWHKAM LABAU 14:13

Asa hte shi a hpyen hpung ni shanhte hpe Gerara mare du hkra hkan shachyut kau ma ai. Dai rai nna Ehtiopi masha ni law law sat kau ai hkrum nga ma ai; dai luksuk gaw gasat na matu n-gun n lu galung la nga ma ai. Shanhte chyawm gaw dai Madu hte shi a luksuk ni a majaw sum mat ma ai rai nna luksuk ni mung lanep law law hta la lu ma ai.

2 HKAWHKAM LABAU 20:25

Yehoshahpat hte shi a hpyen hpung ni gaw lanep hta la na nga, sit sa wa ma ai rai nna dumsu ni, arung arai ni, hpun palawng hte kaga manu dan ai arung arai law law sa mu tam la ma ai. Shanhte gaw dai lanep arai ni hpe masum ya tup hpyu shinggyin la ma timung arung arai nau law ai majaw arai magup hte hpe shanhte n lu la wa nga ma ai.

ESAIA 33:3

Nang anhte a matu gasat ai shaloi, masha amyu baw ni majan nsen ngoi garu ai kaw na hprawng mat wa ma ai.

ESAIA 33:5

Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

EZEKELA 25:7

Nang galaw ai amu a majaw, ngai nang hpe kashun kashe di nna hpya kau na kaga masha amyu baw ni a lata de ap kau na we ai. Ngai gaw nang hpe amyu baw langai hku loi mi pyi n grin nga lu hkra mung, na a mungdan re ngu nna masat da ai lamu ga galoi mung n nga mat hkra mung, htum hkra, tsai hkra jahten sharun kau na nngai. Dai hpang, ngai gaw dai Madu rai nga nngai hpe nang chye wa na rai ndai.”

YOELA 1:4

Nsi naisi ni hta dinggam-yaw wunawng mi a hpang wunawng mi kap nga ma ai; wunawng mi sha kamawng mat wa ai hpang wunawng mi sha kau nga ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YOELA 2:3

Wan zawn shanhte hkai nmai ni sha ma ai. Shanhte a shawng na lamu ga gaw Eden Sun hte bung nga ai, rai ti mung shanhte a hpang e, dai gaw akrin ayang rai nga ai. Shanhte a lata kaw na hpa mung lawt lu ai n rai.

YOELA 2:9

Shanhte gaw mare de kanawng matsut lung wa nna, bunghku ni a ntsa hkan kagat hkawm ma ai; dum nta ni a ntsa de lung nhtawm lagu lagut ni zawn hkuwawt hku shang bang ma ai.