ESAIA 33:3 - Jinghpaw Common Language Bible 2009

³ Nang anhte a matu gasat ai shaloi, masha amyu baw ni majan nsen ngoi garu ai kaw na hprawng mat wa ma ai.

Jinghpaw Hanson Version Bible

³ Wunawng wuwa nsen majaw, masha amyu ni hprawng mat ma ai; nang rawt wa yang, amyu baw ni bra mat ma ai.

ESAIA 33:3 ပူးပေါင်းရင်းမြစ်များ

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 59:11

O Karai Kasang e, shanhte hpe hkum sat kau et, shing n rai, nye a amyu masha ni malap kau na mara ai. Anhte hpe makawp maga ai Madu e, na a n-gun atsam hte shanhte hpe shabra kau nna, shanhte hpe dang kau u.

SHAKAWN KUNGDAWN 68:2

Wan hkut mawng mat wa ai zawn, shi shanhte hpe gawt kau mu ai; gitbaw gaw wan a man e byawng mat ai zawn, tara n lang ai ni Karai Kasang a man e hten byak mat nga ai.

ESAIA 21:15

Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.

ESAIA 33:4

Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

YEREMIA 25:31

shi a ngoi kadu ai nsen gaw mungkan ga a jahtum de du hkra hpungtang kashaw mat wa na ra ai. Dai Madu gaw masha amyu baw ni hte amu rawng nga ai. Shi gaw tara jeyang na matu amyu masha ni yawng hpe woi la na ra ai, n shawp n kap ai ni hpe sat kau na ra ai, nga nna Dai Madu tsun nu ai,’” ngu nna tsun lu na rin dai.