ESAIA 32:6 - Jinghpaw Common Language Bible 2009

⁶ Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

Jinghpaw Hanson Version Bible

⁶ Kaning rai nme law, mana ai wa gaw, matsa mawa ga hte Yehowa hpe ga hku shut kau na matu mung, kawsi hkrum ai ni, grau kawsi kyet na hte, hpang kara hkrum ai ni ntsin n lu lu na matu mung, mana ga tsun nna n kaja ai hpaji daw na ra ai.

ESAIA 32:6 ပူးပေါင်းရင်းမြစ်များ

SHAKAWN KUNGDAWN 141:4

Shut hpyit amu galaw mayu ai kaw na mung, n hkru ai masha ni a tara n lang ai amu hta shang lawm nga ai kaw nna mung, ngai hpe shatsan shagang kau ya e. Shanhte a lusha poi ni hta ngai galoi mung n shang lawm nga u ga.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

GA SHAGAWP 24:7

Hpaji ga gaw angawk ai masha wa chye na hkawn hkrang na matu, nau wa sung la nga ai. Shi gaw ahkyak ai amu ni hpe bawng ban ai shaloi, tsun dan na lam hpa mung n lu nga ai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 31:2

Shi gaw shi hpa galaw nga ai hpe chye nga a hka! Shi gaw tsin-yam tsindam dat dat nga ai. Shi gaw n hkru ai amyu masha ni hte shanhte hpe makawp maga ai ni hpe ari jaw na matu jahkrit sharim nga ai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 13:23

Ehtiopi masha gaw shi a hkum hpyi hpe, rawnggawk gaw shi a ateng apang re ai hpe galai kau lu nga a ni? Shanhte galai kau lu ai rai yang, nang hpa n galaw ra nga ndai rai ti mung, n hkru ai amu galaw lu ai wa gaw jaw ai amu galaw na matu sharin la lu nga ai.

EZEKELA 34:18

Nanhte hta na nkau mi gaw kaja htum ai tsingdu tsingman ni hpe sha lu ti mung myit n dik ai hta sha n-ga, nanhte n sha lu ai tsing ni hpe pyi, kabye anut kau nga myit hka! Nanhte gaw san ai hka lu lu nga ti mung, nanhte n lu ai hka hpe kabye hka nu kau nga myit hka!

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

AMO LAIKA (AMOS) 8:6

Anhte gaw hkaulan mam nmyem ni hpe tsaw ai manu hte dut la lu na rai nga ga ai. Anhte gaw tinang a hka ni hpe n wa lu ai matsan mayan masha ni hpe mu tam na rai ga ai, kyepdin man mi a manu daram pyi manu n rawng ai shanhte hpe mayam ni hpe zawn mari lu na ga ai,” nga nna tsun myit dai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.