ESAIA 32:19 - Jinghpaw Common Language Bible 2009

¹⁹ (Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

Jinghpaw Hanson Version Bible

¹⁹ Rai timung, sin hkrat ai hte dai maling kadawng daw nna, mare mung atsai awai shamyit kau ai hkrum na ra ai.

ESAIA 32:19 ပူးပေါင်းရင်းမြစ်များ

ESAIA 10:18

Sut nhprang hte hpring ai nam maling ni hte yi sun lamu ga ni tsep kawp jahten kau hkrum na ra ai, dai hte maren, si shangun lu ai machyi makaw gaw masha langai ngai hpe jahten lu nga ai.

ESAIA 10:19

Dai shara hta n law n la rai tu nga ai hpun ni naw ngam nga nna, dai ni hpe ma kaji sha pyi hti matsing lu na ra ai.

ESAIA 10:33

Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

ESAIA 24:10

Dai mare na arai yawng mayawng mung marawng marang rai nga ai, amyu masha ni gaw shanhte a dum nta ni shim lum na matu chyinghka la da nga ai.

ESAIA 24:12

Dai mare gaw hten run nga sai; de a chyinghka ni agrawp daw kau hkrum nga sai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 26:5

Shi gaw gumrawng gumtawng ai ni hpe shagrit kau nu ai; shanhte shanu nga ai ngang kang ai mare hpe shi jahten kau nu ai, de a bunghku ni hpe ga nhpu tai mat hkra agrawp mani kau nu ai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 29:4

Yerusalem gaw ga kata kaw na ga shaga na matu malan da ting ai hte ga nhpu kaw na gasa ai nsen hte tsun ai tsu minla zawn tai mat na ra ai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 37:24

Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

ZEHKARIA 11:2

Marau hpun ni e, hkrap ai hte sharung shayawt nga mu- arit hpun ni kadawng mat sai; dai shingkang rawng ai hpun ni hten mat sai! Bashan wamyi hpun ni e, hkrap ai hte sharung shayawt nga mu- maling dinggram kran kau nga sai!

MAHTE 7:25

Dai marang htu nna, hka tung wa ai hte nbung bung wa nna, dai nta hpe ahtu wu timung, lunghkrung ntsa e gaw da nga ai majaw, n kadawng lu ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.