ESAIA 32:14 - Jinghpaw Common Language Bible 2009

¹⁴ Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

Jinghpaw Hanson Version Bible

¹⁴ Kaning rai nme law, hkawhkam htingnu gaw, kau da ai hkrum nna, masha law nga ai mare gaw, shingran katsi mat na ra ai:

ESAIA 32:14 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

2 HKAWHKAM LABAU 33:14

Dai hpang, Manashe gaw Gihon Hka Hpawk makau na kadit nchyun kaw nna dingdung maga Nga Chyinghka du hkra, Dawi a Mare a sinpraw maga na shinggan bunghku hte Ohpela mying ai mare shara lawm hkra, jat shatsaw da wu ai. Shi gaw Yuda mung na bunghku kum ai mare shagu hta hpyen hpung ni hpe up hkang na luksuk hpyen du langai ngai san tawn da wu ai.

SHAKAWN KUNGDAWN 104:11

Dai ni gaw nam na ashu ashan ni a matu hka jaw ya nna, dai shara ni hkan lawze shazai ni shanhte a hpang gara ai hpe shamai la lu nga ma ai.

ESAIA 22:2

Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

ESAIA 24:10

Dai mare na arai yawng mayawng mung marawng marang rai nga ai, amyu masha ni gaw shanhte a dum nta ni shim lum na matu chyinghka la da nga ai.

ESAIA 24:12

Dai mare gaw hten run nga sai; de a chyinghka ni agrawp daw kau hkrum nga sai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 5:9

Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

YEREMIA 14:6

Lawze nhprang ni gaw kawng pungding ntsa hkan e tsap nga nna, gwi ma-a ni zawn nbung marawp nga ma ai; shanhte hta lusha shahpa n nga ai majaw, shanhte a myi ni amam mat nga malu ai.

YEREMIA 33:4

Yerusalem a nta ni hte Yuda hkawhkam htingnu ni gaw wang shinggrup ai hte htim gasat hkrum ai a majaw hten run mat na ra ai nga nna dai Madu Israela a Karai Kasang ngai nan tsun ni ai.

YEREMIA 52:27

Hkawhkam wa gaw dai shara e shanhte yawng hpe adup ai hte kahtam sat kau wu ai. Dai rai nna, Yuda amyu masha ni gaw shanhte a mungdan kaw nna tsasam mungdan de bawng woi la hkrum nga ma ai.

YEREMIA 6:5

Anhte gaw shana e gasat na ga ai; anhte gaw mare a bunghku ni hpe jahten sharun kau na ga ai,” ngu nna tsun ma ai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

LUKA 21:20

“Yerusalem mare hpe hpyen hpung ni e wang kawan da ai hpe, nanhte mu myit yang, dai mare gade n na yang, jahten kau ai hkrum na ra ai hpe dum chye mu.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.