ESAIA 32:12 - Jinghpaw Common Language Bible 2009

¹² Namhpun rawng ai yi hkauna ni hte sabyi sun ni hten za mat sai majaw sharung shayawt ai hte nanhte a sinda ni hpe adup mu,

Jinghpaw Hanson Version Bible

¹² shanhte gaw ngwipyaw ai yi hkauna ni hte, si law ai tsabyi ru ni a lam, sinda adup let sharung shayawt na mara ai.

ESAIA 32:12 ပူးပေါင်းရင်းမြစ်များ

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 24:7

Sabyi ru ni nyui mat ai hte sabyi ntsin n pru mat nga ai. Lang mi kabu gara yu sai masha shagu hte gaw ya aten myit n pyaw n ngawn rai nga ai,

ESAIA 32:13

ju sumwum ni hte tsing ni nye a amyu masha ni a lamu ga hta tu nga ai. Amyu masha ni kabu gara rawng lai wa sai dum nta ni yawng a matu mung, ngwi pyaw ai asak hkrung lam hte hpring ai mare a matu mung hkrap mu.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

EZEKELA 20:15

Dai rai nna, shanhte a matu ngu nna ngai jaw da sai, dai yawng hta grau kaja htum nna ngamu ngamai ai hte sut hte ningru ningja ai mungdan de shanhte hpe n woi wa na ngu, dai nam mali kata e ngai ga sadi tawn da ni ai.

EZEKELA 20:6

Dai gaw ngai shanhte hpe Egutu mung kaw nna shapraw la nhtawm mungdan yawng hta grau kaja htum nna ngamu ngamai ai sut hte ningru ningja ai mung ngu ai shanhte a matu ngai san da ai mung de woi wa na lam, ga shaka tawn da ni ai.

YOELA 1:7

Shanhte gaw anhte a sabyi ru ni jahten kau nna anhte a lagum hpun ni hpe maya sha kau manu ai. Shanhte gaw hpun lakung lakying ni hpraw mat hkra, hpunhpyi gawng kau manu ai.

NAHUM 2:7

Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.