ESAIA 31:9 - Jinghpaw Common Language Bible 2009

⁹ Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,” ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.

Jinghpaw Hanson Version Bible

⁹ Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 31:9 ပူးပေါင်းရင်းမြစ်များ

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 10:17

Karai Kasang, Israela a nhtoi gaw wan tai na ra ai. Israela a chyoi pra ai Karai Kasang gaw wan shinglet tai na ra ai, dai gaw lani mi hta sha arai shagu hte hpe hkru kau na ra ai, ju hpun ni hte sumwum ni hpe pyi hkru kau na ra ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 13:2

Kawng krin pungding ntsa e majan dawnghkawn sharawt da mu! Hpyenla ni hpe jahtau mu, gumrawng gumtawng ai mare chyinghka ni hpe gasat na, shanhte a matu kumla tai u ga, nanhte a lata lahpum sharawt da mu.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 27:7

Dai Madu gaw shanhte a gumlau hpyen ni hpe laja lana ari jaw ai hte sat kau ai daram Israela amyu masha ni hpe ari jaw nna sat ai n rai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 37:37

Dai hpang Asuri hkawseng Senahkerib gaw htingnut mat wa nna Ninewe mare de nhtang mat wa wu ai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

JAW JAU 6:13

Tawn hkungri na wan gaw galoi mung agrung nga nna si krip mat lu na n rai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

TARA JAHPRANG 32:31

Shanhte a gumlau hpyen ni nan, shanhte a hpara ni n-gun kya nga ma ai hpe mung, Israela Karai Kasang zawn chyalai n-gun n rawng nga ai hpe mung shanhte chye ma ai.

TARA JAHPRANG 32:37

Shaloi, dai Madu gaw shi a amyu masha ni hpe, “Nanhte kam hpa yu manit dai dai chyalai n-gun hte hpring ai gumgun hpara ni kanang rai nga sani?