ESAIA 31:8 - Jinghpaw Common Language Bible 2009

⁸ Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

Jinghpaw Hanson Version Bible

⁸ Asuri wa mung, masha n lang ai nhtu hte si na ra ai; masha n lang ai nhtu gaw shi hpe shamyit kau na ra ai; shi gaw nhtu tsin-yam hta na hprawng nna, shi a wa-ngan ni mayam tai na mara ai.

ESAIA 31:8 ပူးပေါင်းရင်းမြစ်များ

NINGPAWT NINGHPANG 49:15

Rai ti mung sa ra shara kaja nga ai rai nna Lamu ga mung yu sharawng hpa rai nga ai hpe shi mu mada wu ai. Dai rai nna lit gun na matu shi a shingma hpe shi gum ya nna; Mayam langai mi zawn bungli galaw shadut hkrum nga ai.

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:25

Kade n na yang, ngai nanhte hpe ari jaw nga ai hpe jahtum kau na nngai, dai hpang ngai shanhte hpe jahten kau na nngai.

ESAIA 14:2

Masha amyu baw ni law law gaw Israela amyu masha ni hpe dai Madu shanhte hpe jaw da ai mungdan de nhtang wa na matu karum la na mara ai, dai yang na masha amyu baw ni gaw mayam ni zawn Israela hpe daw jau na mara ai. Lang mi Israela hpe rim la yu sai ni gaw Israela a majaw rim la ai bai hkrum na mara ai. Israela amyu masha ni hpe lang mi dip sha lai wa sai ni hpe Israela amyu masha ni bai up hkang na mara ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 21:15

Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.

ESAIA 27:7

Dai Madu gaw shanhte a gumlau hpyen ni hpe laja lana ari jaw ai hte sat kau ai daram Israela amyu masha ni hpe ari jaw nna sat ai n rai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 37:7

Dai Madu gaw hkawseng wa hpe htingwan shiga na shangun nhtawm shi a mungdan de bai nhtang wa shangun na ra ai, dai Madu gaw shi hpe dai shara hta sat kau na wu ai.”

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YEREMIA 46:10

Ndai gaw Chyahtum Chyalai N-gun Rawng ai Tsaw Htum ai dai Madu a shani rai nga ai: dai ni gaw shi matai dawp na ra ai; dai ni gaw shi a gumlau hpyen ni hpe ari jaw na ra ai. Shi a nhtu gaw hkru kat wa ai aten du hkra shanhte hpe sha kau na ra ai, shanhte a asai hpe myit dik hkra lu na ra ai. Chyahtum Chyalai N-gun Rawng ai Madu gaw dai ni e, dingdung maga Uhprat hka kau e shi a tsin-yam hkrum sha ai masha ni hpe nawng ya nga ai.

EZEKELA 21:28

“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai Madu ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

HOSEA 1:7

Rai ti mung, Yuda amyu masha ni hpe chyawm gaw tsaw ra myit madun dan na nngai. Dai Madu shanhte a Karai Kasang Ngai nan shanhte hpe hkye la na nngai, rai ti mung ngai gaw majan hta nhtu, ndan, pala, gumra hte gumra jawn masha ni hpe lang na n rai.