ESAIA 31:5 - Jinghpaw Common Language Bible 2009

⁵ U gaw shi a tsip ntsa e pyen kayin nna u hkalung ni hpe makawp maga ai zawn Chyahtum Chyalai N-gun rawng ai dai Madu Ngai mung Yerusalem hpe makawp maga nna dai hpe shadaw shangang na nngai.

Jinghpaw Hanson Version Bible

⁵ U gaw tinang a tsip sin nga ai hte maren, Zaw nawng zaw wa up ai Yehowa gaw Yerusalem mare hpe makawp maga na ra ai; makawp maga nna, mawai la na ra ai; yubak shalawt dat nna, shagrin da na ra ai.

ESAIA 31:5 ပူးပေါင်းရင်းမြစ်များ

NINGPAWT NINGHPANG 1:2

ginding aga gaw hkrang kata akrin akraw rai nga ai. Yawng mayawng hpe ka-up da ai dai wu kadu ai nammukdara gaw sin mak ai nsin hta rawng nga ai hte Karai Kasang a Wenyi mung hka hpung ni a ntsa e shamu hkawm nga ai.

2 HKAWHKAM 19:34

Ngai hkum nan a arawng sadang a matu mung, nye a shangun ma Dawi hpe ngai jaw da sai ga shaka a majaw mung, ndai mare hpe ngai bau sin makawp maga nga na we ai!”

2 HKAWHKAM LABAU 32:22

Ndai lam hku nna, dai Madu gaw Hkawhkam Hezekia hte Yerusalem mare masha ni hpe Asuri hkawseng Senahkerib a lata kaw na mung, kaga shanhte a gumlau hpyen ni a lata kaw nna mung hkye la nga ai. Shi gaw amyu masha ni hpe htingbu mungdan ni yawng hte ngwi pyaw sim sa ai hku nga nga shangun nu ai.

SHAKAWN KUNGDAWN 37:40

Shi gaw shanhte hpe karum nna mawai la nga ai, shanhte gaw shi kaw makawp maga la na matu du sa nga ma ai majaw, shi shanhte hpe tara n lang ai ni a lata kaw nna hkye hkrang la nga ai.

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 91:4

Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.

PRU MAT 12:27

nanhte gaw, ‘Ndai gaw dai Madu gaw Egutu mung na Israela masha ni a dum nta ni hpe lai kau da ai majaw shi hpe shagrau hkungga na matu galaw ai Shalai Wa Ai Poi a shagu hkungga rai nga ai. Shi gaw Egutu masha ni hpe sat kau ti mung anhte hpe chyawm gaw jahkrung da mi ai,’” ngu nna htan na rai myit dai. Israela masha ni gaw hput di di let nawku ma ai.

PRU MAT 19:4

“Ngai Madu nan Egutu masha ni hpe kaning di kau ai lam hte ngai gaw nanhte hpe galang gaw shi a hkalung ni hpe shi a singkaw ntsa hta hpai mat wa ai zawn kaning rai woi la ma sade ai gaw nanhte mu manit dai.

ESAIA 10:14

Mungkan ga na masha amyu baw ni gaw u tsip langai hte bung nga ai, ngai gaw udi ni hpe aloi sha hkan magawn la lu ai zawn shanhte a sut gan ni hpe magawn la nngai. Ngai hpe jahkrit shama na singkaw langai mi mung n kahprap lu nga ai, ngai marawn kyek bun na n-gup kadai n hpaw mahka lu nga ai!,” nga nna shakawng nga ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 37:35

Nye a arawng sadang a matu mung, nye a shangun ma Dawi hpe ngai jaw ai ga sadi a majaw mung, ndai mare hpe shadaw shangang nna dai hpe makawp maga na nngai.

ESAIA 38:6

Ngai gaw nang hpe mung, ndai Yerusalem mare hpe mung Asuri hkawseng wa a lata kaw na hkye mawai la na nngai, ngai gaw ndai mare hpe matut nna makawp maga na nngai.”

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

ZEHKARIA 9:8

Nye a mungdan hpe ngai makawp maga na nngai, dai lamu ga hku hpyen hpung ni ga lai lu na ma ai n rai. Nye a amyu masha ni hpe dip gamyet sha na matu gumshem magam ni hpe galoi mung ahkang jaw na nngai n rai. Nye a amyu masha ni kade wa nni nkri hkrum sha nga masai hpe ngai mu se ai,” ngu nna tsun ai.

TARA JAHPRANG 32:11

Galang gaw shi a ulung ni hpe pyen sharin na matu, singkaw kahpyan nhtawm de a ntsa e shalen nna shim ai hku awn la ai zawn, dai Madu mung Israela hpe hkrat mat ai kaw na makawp maga la nga ai.