ESAIA 31:3 - Jinghpaw Common Language Bible 2009

³ Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

Jinghpaw Hanson Version Bible

³ Egutu masha ni gaw Karai Wa n rai, masha hkrai rai nga ma ai; shanhte a gumra ni mung, wenyi n rai, shan hkrai rai nga ai; Yehowa gaw lata ladawn jang, karum ai wa mung ahtu kadawng nna, karum la ai wa mung di hkrat na ra ai: shanhte yawng rau htum mat na mara ai.

ESAIA 31:3 ပူးပေါင်းရင်းမြစ်များ

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

SHAKAWN KUNGDAWN 118:8

Masha hta shamyet shanat ai hta, dai Madu hpe kam hpa ai gaw grau nna mai kaja nga ai.

SHAKAWN KUNGDAWN 33:17

Majan gumra ni gaw awng padang a matu kaman lila rai nga ai; dai ni a n-gun kaba hte hkye hkrang la lu nga ai n rai.

SHAKAWN KUNGDAWN 9:20

Madu e, shanhte hpe hkrit kang shangun u; shanhte gaw si mat chye ai shinggyim masha ni chyu rai nga ma ai lam shanhte hpe chye shangun u.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 20:4

Asuri hkawseng wa gaw ndai mungdan lahkawng kaw na shi lu rim la ai bawng masha ni hpe singgu krin woi mat wa na ra ai. Kaji kaba n nga, shanhte gaw lagaw kaman hte singgu krin hkawm nna shanhte a dangbau ni hpaw da let, Egutu mung hpe kaya jahkrum na mara ai.

ESAIA 20:6

Dai aten du ai shaloi, Hpilisti mung panglai hkin-gau mayan hku shanu nga ai masha ni gaw, ‘Asuri hkawseng kaw nna anhte hpe makawp maga la na matu anhte kam hpa nga ai amyu masha ni hta hpa baw byin nga sai hpe, yu yu mu! Anhte kaning rai hkrung nga lu na rai nga ga ta?,’” nga nna tsun na mara ai.

ESAIA 30:16

Shing rai na malai, Nanhte gaw gumlau hpyen ni a lata kaw na hprawng lawt lu na matu laram ai gumra ni jawn na she yaw myit dai. Hprawng lawt na matu nanhte lajang ai gaw jaw nga ai! Nanhte gaw nanhte a gumra ni laram nga ai ngu myit nawn la nga myit dai, rai ti mung nanhte hpe hkan shachyut ai ni gaw grau nna lawan na mara ai!

ESAIA 30:5

Yuda amyu masha ni gaw karum la lam a matu shanhte myit mada nga ma yang, shanhte galoi mung akam nga ai amyu baw gaw n mai kam hpa sai, shanhte hpe karum la na lam n jaw lu sai amyu baw rai nga sai majaw lahpawt dum wa na mara ai.”

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 36:6

Nanhte gaw nanhte hpe karum la na matu Egutu hpe myit mada nga myit dai, rai ti mung dai gaw mai-aw hpe dawhkrawng zawn lang ai hte bung na ra ai. Dai gaw daw mat nna na a lata hpe ju htinggrang ya na ra ai. Dai gaw Egutu hkawhkam wa kaw shamyet shanat ai ni kadai hta mung dai zawn hkrum hkra na ra ai,” ngu nna hkang dat wu ai.

ESAIA 36:9

Nanhte gaw nem htum ai Asuri du salang hte pyi n lu shabung ai mi, Egutu masha ni nanhte hpang de hpyen leng ni hte jawn gumra ni shangun dat ya na myit mada nga myit ni?

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 15:6

Nanhte amyu masha ni gaw ngai hpe kau da manit dai; nanhte ngai hpe shingdu kayin kau manit dai. Dai rai nna nye a masin kahtet ai hpe shakawp na hki ba mat ni ai majaw, ngai gaw lata ladawn ai hte nanhte hpe agrawp mani kau nngai.

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

AMO LAIKA (AMOS) 2:15

Ndan lang ai wa mung tsap lu na n rai, kagat chyang ai wa mung hprawng lawt lu na n rai; gumra jawn ai ni mung shanhte a asak a matu lawt lu na ma ai n rai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.