ESAIA 31:2 - Jinghpaw Common Language Bible 2009

² Shi gaw shi hpa galaw nga ai hpe chye nga a hka! Shi gaw tsin-yam tsindam dat dat nga ai. Shi gaw n hkru ai amyu masha ni hte shanhte hpe makawp maga ai ni hpe ari jaw na matu jahkrit sharim nga ai.

Jinghpaw Hanson Version Bible

² Shi mahtang nyan rawng nna, nni nkri jahkrum na ra ai; shi a ga shabai la na n rai; n hkru n hkra ai amyu hpe mung, tara n hkan ai ni, sa karum na mung, hkap shadang na ra ai.

ESAIA 31:2 ပူးပေါင်းရင်းမြစ်များ

YOBA 12:16

Karai Kasang gaw n-gun hte tut nawng awng dang ai wa rai nga ai; masu hkalem hkrum ai wa hte hkalem ai wa gaw shi a lata hta rai nga ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 14:20

Nang gaw na a mungdan hpe jahten sharun kau nna na a amyu masha ni hpe nan sat kau nit dai majaw, nang gaw kaga hkawhkam ni zawn lup makoi hkrum na ndai n rai. Na a n hkru ai dinghku masha ni kadai mung hkrung nga na mara ai n rai.

ESAIA 21:17

Ndan gap ai ni gaw Kedara a share shagan lu ai masha ni rai nga ma ai, rai ti mung shanhte hta na nkau mi gaw hti ngam nga na mara ai. Dai Madu Israela a Karai Kasang ngai nan tsun ni ai,” ngu nna tsun wu ai.

ESAIA 22:14

Chyahtum Chyalai N-gun rawng ai Tsaw Htum ai dai Madu gaw shi hkum nan ngai hpe, “Ndai n hkru n shawp ai gaw shanhte asak hkrung nga dingsa galoi mung mara dat hkrum na ma ai n rai. Chyahtum Chyalai N-gun rawng ai Tsaw Htum ai dai Madu Ngai nan tsun ni ai,” ngu nna tsun wu ai.

ESAIA 28:21

Dai Madu gaw shi galaw na matu yaw shada ai amu galaw lu hkra nga, laklai ai shi a amu ni shangut lu hkra, Perazim Bum hte Gibeon kadit hta shi galaw nu ai zawn gasat na ra ai. Shi gaw shi a amu, mauhpa amu hpe shangut na ra ai.

ESAIA 28:29

Ndai hpaji byeng-ya yawng gaw Chyahtum Chyalai N-gun rawng ai dai Madu kaw na rai nga ai. Karai Kasang shatawng shada ai amu gaw hpaji rawng nga ai rai nna, dai ni gaw tut nawng awng dang nga ma ai.

ESAIA 30:3

Rai ti mung, shanhte hpe karum la na matu hkawhkam wa hta daru magam n-gun n rawng mat na ra ai, Egutu a makawp maga lam gaw ru yak tsin-yam tsindam kata hta htum mat na ra ai.

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 10:12

Dai Madu gaw shi a daru magam n-gun hte ginding aga hpe hpan da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YEREMIA 36:32

Dai hpang, ngai gaw kaga laika katsu hpe la nna nye a amu madu Baruk a lata hta ap ya ni ai; shi gaw ngai hkai dan ai lam mahkra hpe ka tawn wu ai. Shi gaw shawng na laika katsu hta ka da ai hte ngai shi hpe hkai dan ai hte maren mungga ni hpe mung ka bang da wu ai.

EZEKELA 29:6

Dai hpang, Ngai nan dai Madu rai nga nngai hpe Egutu masha ni yawng chye lu na mara ai,” ngu nna tsun ni ai. Dai Madu gaw, “Israela masha ni shanhte hpe karum la na matu nang Egutu wa hpe shamyet shanat yu masai, rai ti mung, nang gaw kya ai shingna hta pyi grau nna n kaja nga ndai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

ROMA 16:27

Langai sha rai nga ai, shi chyu sha hpaji rawng htum ai Karai Kasang hta, Yesu Hkristu a marang e htani htana hpung shingkang anga nga u ga law. Amen.

YAWSHU 23:15

Rai ti mung, nanhte hpe tsun dan sai ga sadi shagu hpe shi shadik shatup ya nu ai zawn hkrit hpa ari hkum sumhpa hpe mung shi shapraw na ra ai.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

1 SAMUELA 2:3

Nanhte a ja ja shakawng ga tsun ai hpe jahkring kau mu; nanhte a gumrawng gumtawng ai ga hkum ni hpe shazim kau mu. Dai Madu gaw chye ningchyang Karai Kasang rai nga ai; shi gaw amyu masha ni galaw ai amu yawng mayawng hpe jeyang ya nga ai.