ESAIA 30:9 - Jinghpaw Common Language Bible 2009

⁹ Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

Jinghpaw Hanson Version Bible

⁹ kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 30:9 ပူးပေါင်းရင်းမြစ်များ

2 HKAWHKAM LABAU 33:10

Dai Madu gaw Manashe hte shi a amyu masha ni hpe sadi jaw ti mung shanhte n madat hkraw nga ma ai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

GA SHAGAWP 28:9

Tara hpe nang n hkan ai rai yang na a akyu hpyi ga ni gaw Karai Kasang a na hta n dawng n yawt ai ga hte hpring na ra ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

YEREMIA 35:14

Yonadab a aru arat ni gaw sabyi n lu na matu shi hkang da ai ga hpe madat mara nga ma ai majaw dai ni du hkra, shanhte hta na langai wa mi mung loi mi pyi chyim yu nga ma ai n rai. Ngai nanhte hpe atsun nga ti mung, nanhte nye a ga hpe n madat myit dai.

YEREMIA 7:13

Nang gaw ndai yubak mara ni yawng hpe shut hpyit kau nit dai; ngai nang hpe lang hte lang tsun shadum yu ti mung, nang n madat ndai. Ngai nang hpe shaga yang, nang n htan ndai.

YEREMIA 7:28

Shanhte a amyu baw gaw dai Madu shanhte a Karai Kasang ngu ai nye a ga hpe n madat, shanhte hpe jaw ai ari kaw na hpa mung n sharin la ngu nna nang shanhte hpe tsun na rai ndai. Kangka ai gaw si mat sai, de a lam loi mi pyi tsun na n rai sai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

EZEKELA 24:3

Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 32:20

Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.