ESAIA 30:7 - Jinghpaw Common Language Bible 2009

⁷ Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

Jinghpaw Hanson Version Bible

⁷ Kaning rai nme law, Egutu mung gaw, asung n shang ai hte kaman lila rai nga ai: dai re ai majaw ngai shi hpe, “N shamu chye ai Rahab,” ngu nna shamying we ai.

ESAIA 30:7 ပူးပေါင်းရင်းမြစ်များ

YOBA 9:13

Karai Kasang a pawt sindawng ai gaw dinggrin rai nga ai. Shi gaw shi hpe ninghkap na matu panglai numraw ngu ai Rahab hpe karum ai shi a gumlau hpyen ni hpe agrawp mani kau wu ai.

SHAKAWN KUNGDAWN 87:4

“Nye a ga hpe madat mara ai mungdan ni a jahpan hpe hta ai shaloi, Egutu mung hte Babelon yan hpe ngai shalawm la na ring ngai; Hpilisti, Turu hte Sudan amyu masha ni hpe, Yerusalem mare masha jahpan hta ngai sawn bang ya na nngai.”

SHAKAWN KUNGDAWN 89:10

Nang gaw hka numraw Rahab hpe agrawp kau ai hte dai hpe sat kau nga ndai; nang na a gumlau hpyen ni hpe na a chyahtum chyalai n-gun hte dang kau nga sai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

GA SHAGAWP 25:19

Kyin dut hkrum ai ten hta sadi n dung ai wa hpe shamyet shanat ai gaw, kanga taw nga ai wa hte maya ai hte hten taw nga ai lagaw hte lam hkawm ai zawn rai nga ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

ESAIA 20:6

Dai aten du ai shaloi, Hpilisti mung panglai hkin-gau mayan hku shanu nga ai masha ni gaw, ‘Asuri hkawseng kaw nna anhte hpe makawp maga la na matu anhte kam hpa nga ai amyu masha ni hta hpa baw byin nga sai hpe, yu yu mu! Anhte kaning rai hkrung nga lu na rai nga ga ta?,’” nga nna tsun na mara ai.

ESAIA 28:12

Shi gaw nanhte yawng hpe ban sa lam hte shalan shabran ai lam jaw ya nu ai, rai ti mung nanhte gaw shi a ga madat na matu ningdang kau myit dai.

ESAIA 30:15

Tsaw Htum ai dai Madu Israela a Chyoi Pra ai Wa gaw shi a amyu masha ni hpe, “Nhtang wa nna ngai hpe atsin sha kam hpa mu. Dai hpang nanhte gaw n-gun ja wa nna shim lum lam lu na rai myit dai,” ngu nna tsun ai. Rai ti mung nanhte gaw dai hku hkan galaw na ningdang nga myit dai.

ESAIA 30:5

Yuda amyu masha ni gaw karum la lam a matu shanhte myit mada nga ma yang, shanhte galoi mung akam nga ai amyu baw gaw n mai kam hpa sai, shanhte hpe karum la na lam n jaw lu sai amyu baw rai nga sai majaw lahpawt dum wa na mara ai.”

ESAIA 36:9

Nanhte gaw nem htum ai Asuri du salang hte pyi n lu shabung ai mi, Egutu masha ni nanhte hpang de hpyen leng ni hte jawn gumra ni shangun dat ya na myit mada nga myit ni?

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 7:4

Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.

YEREMIA 37:7

“Egutu hpyen luksuk ni gaw nang hpe karum la na matu pru sa wa ma ai, rai ti mung, dai ni gaw shanhte a dum nta de nhtang mat wa na mara ai.

SHARUNG SHAYAWT 3:26

Dai rai nna, shi hpe myit galu ai hte ala nga let, anhte hpe hkye hkrang la na matu shi hpe la dingda nga ai gaw mai kaja htum nga ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.