ESAIA 30:6 - Jinghpaw Common Language Bible 2009

⁶ Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

Jinghpaw Hanson Version Bible

⁶ Dingda mung na numraw hpe ang ai myihtoi ga: Hkanghkyi yi hte hkanghkyi, pu htum hte pyen chye ai wan lapu sawng nna, yak la ai hte kyin dut ai mungdan hku shanhte ga sa wa nna, shanhte a matu hpa asung n shang ai amyu hpang de, lawze dinghkung hta sutgan, gawla-uk ni a dabu ntsa e aja gumhpraw, htaw sa ma hka.

ESAIA 30:6 ပူးပေါင်းရင်းမြစ်များ

NINGPAWT NINGHPANG 12:9

Dai hpang shi gaw shara mi kaw nna shara mi de htawt hkawm nhtawm Hkanan mung a dingda maga de du hkra hkawm sa mat wa wu ai.

1 HKAWHKAM 10:2

Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lungseng ni hte ja law law htaw let woi sa wa wu ai. Shi gaw Shawlumon hte hkrum jang, shi myit shapraw lu ai ga san yawng hte shi hpe san yu wu ai.

2 HKAWHKAM LABAU 16:2

Dai re ai majaw Hkawhkam Asa gaw Nawku Htingnu hte hkawhkam htingnu kata e ngam da ai ja gumhpraw ni hpe la nhtawm Damasku mare Suri Hkawhkam Benhadad hpang de dai arai ni hte rau ndai mungga hte hpawn shangun dat wu ai.

2 HKAWHKAM LABAU 9:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai. Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lung seng ni hte ja law law htaw let woi sa wa wu ai. Shawlumon hte shi hkrum jang shi myit shapraw lu ai ga san yawng hte shi hpe san yu wu ai.

YOBA 39:11

Shi a n-gun hpe nang kam nna na a li la ai amu galaw shangun na myit mada lu na n ni?

ESAIA 14:29

Hpilisti masha ni e, nang hpe kayat ai hkawn daw mat sai, rai ti mung nanhte kabu lu na lam hpa mung n nga nga ai. Lapu mi si yang, de a shara hta grau sawng ai langai du nga ai. Lapu a di gaw pyen chye ai baren hpe hpum shakraw nga ai.

ESAIA 15:7

Masha ni gaw shanhte lu ai sut gan yawng hte hprawng shakut lu na matu Mu Mahka Kadit hpe lai di ma ai.

ESAIA 19:4

Ngai gaw Egutu amyu masha ni hpe gumshem nna mazut nhtawm shanhte hpe up lu na hkawhkam wa a lata de ap kau na we ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 35:9

Hkanghkyi ni dai yang e nga na ma ai n rai; matse ai dusat ni dai lam hku lai na n rai. dai Madu a majaw hkye mawai la hkrum ai ni gaw dai lam hku nna nta de hkawm wa lu na mara ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

YEREMIA 11:4

Ndai gaw shanhte a matu agrung nga ai wan htung zawn rai nga ai Egutu mung kaw nna shanhte hpe ngai shapraw wa ai shaloi, shanhte a kaji kawa ni hte ngai galaw tawn ai ga shaka rai nga ai. Ngai gaw shanhte hpe nye a ga madat nna ngai hkang da sai lam magup hpe hkan galaw na matu tsun da ni ai. Shanhte nye a ga madat mara ai rai yang, shanhte gaw nye a amyu masha ni tai nna, ngai gaw shanhte a Karai Kasang tai na lam mung, ngai shanhte hpe tsun ni ai.

YEREMIA 2:6

Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

EZEKELA 20:46

Shi gaw, “Si chye ai masha wa e, dingda maga de yu yu u. Dingda maga de ga tsun nna, dingda maga na maling hpe hkap daw nhtawm myihtoi htoi u.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 12:2

Dai Madu gaw Yuda amyu masha ni hpe mara shagun na lam naw nga nga ai: shi gaw Israela hpe mung, shi galaw ai arawn alai hte maren ari jaw na ra ai. Shanhte galaw manu ai amu hte maren, shi shanhte hpe htang jaw na rai wu ai.

MIHKA 6:14

Nang shat sha lu na rai ndai, rai ti mung myit dik lu na n rai; nang teng teng kawsi kyet na rai ndai. Arung arai ni hpe nang la wa lu ai rai tim, dai hpe nang mahkawng da lu na n rai; Nang mahkawng kyem da ai arai hpa hpe rai tim, majan hta ngai jahten kau ya na we ai.

ZEHKARIA 6:6

Gumra chyang ni dun ai leng gaw dingdung maga Babelon mung de sa wa ma ai; gumra hpraw ni sinna maga de, ateng apang re ai gumra ni gaw mungdan a dingda maga de sa wa shajang ma ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

BU HKAWM 21:8

Dai hpang dai Madu gaw Mawshe hpe nhprang arai hte galaw ai lapu langai mi galaw nna hpun shadaw ntsa e sharawt tawn na tsun wu ai. Lapu achye hkrum ai ni kadai mung dai hpe mada yu nna shamai shatsai ai hkrum na rai ma ai.

MAHTE 12:42

Hkawhkam num Sheba gaw hpaji rawng ai Shawlumon a ga hpe madat mayu nna tsan la ai dingda mungdan kaw nna du sa wa ai. Dai rai nna Tara Dara ai Nhtoi hta shi rawt nna nanhte hpe mara shagun na marin dai. Ngai nanhte hpe tsun made ga, ndai yang e Shawlumon hta grau kaba ai wa nga nga ai.

TARA JAHPRANG 17:16

Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai Madu shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

TARA JAHPRANG 8:15

Shi gaw nanhte hpe atuk rawng ai lapu hte n-gaw gawk ni sawng ai dai hkrit hpa htat ai nam mali hku woi wa nhtawm, hkun hkraw nna lu na hka n nga ai shara hta nanhte a matu nhpai lungkring hta na hka shapraw jaw wu ai.