ESAIA 30:4 - Jinghpaw Common Language Bible 2009

⁴ Shanhte a dat kasa ni Egutu mung na Zoan hte Hanet mare ni de du nga masai rai tim,

Jinghpaw Hanson Version Bible

⁴ Shanhte a du ni gaw Zoan mare de, shanhte a kasa ni gaw Hanet mare de, du masai.

ESAIA 30:4 ပူးပေါင်းရင်းမြစ်များ

2 HKAWHKAM 17:4

Rai ti mung laning mi hta, Hoshea gaw karum hpyi na nga, Egutu Hkawhkam So hpang de dat kasa ni hpe shangun dat wu ai. Asuri Hkawseng hpang de shaning shagu jaw ya nga ai ahkun hkanse hpe jahkring kau ya wu ai. Shing rai galaw ai lam hpe Shalmanesa chye jang, Hoshea hpe rim la nna htawng hta sharen da wu ai.

SHAKAWN KUNGDAWN 78:12

Egutu mung hta nga ai Zoan prang yang hta e, shanhte a kaji kawa ni yu nga yang, Karai Kasang gaw mauhpa lamik kumla ni hpe madun dan nu ai.

ESAIA 19:11

Zoan mare ningbaw ni gaw mana nga ma hka! Egutu mung na hpaji rawng htum ai masha ni gaw angawk ai hpaji jaw nga ma hka! Shanhte gaw moi na hpaji ninghkrin ni hte hkawhkam ni a hkringhtawng dagraw ai ni rai nga ga ai nga nna hkawhkam wa a man e shanhte kaning rai gwi tsun na rai nga ma ta?

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

YEREMIA 43:7

Shanhte gaw dai Madu a hkang da ai ga hpe n madat ai sha Egutu mung Tahpan mare du hkra sa nga nga ma ai.

YEREMIA 49:14

Ngai gaw, “Edom e, ngai gaw dai Madu kaw na mungga lu la ni ai. Shi gaw kasa langai mi hpe masha amyu baw ni shanhte a hpyen luksuk ni hpe zup hpawng da na matu mung, nang hpe gasat na jin jin galaw da na matu mung sa tsun shangun nu ai.

EZEKELA 30:14

Ngai gaw Egutu mung a dingda daw ni hpe katsi katsang shara shatai kau nna, dingdung maga de nga ai Zoan mare hpe mung wan nat kau na nngai. Mungdan a mare daju rai nga ai Thebe mare hpe mung ari jaw na nngai.

EZEKELA 30:18

Ngai gaw Egutu mung a daru magam n-gun hpe shadaw kau nna shanhte grai gumrawng gumtawng ai n-gun atsam hpe jahtum kau ya ai shaloi, Tahpan mare a ntsa e, nsin sin wa na ra ai. Sumwi gaw Egutu mung hpe ka-up kau na ra ai; shi a mare masha ni yawng mung bawng woi la hkrum na mara ai.

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)