ESAIA 30:32 - Jinghpaw Common Language Bible 2009

³² Dai Madu gaw shanhte hpe lang hte lang hkawn hte kayat nga ai, shi a amyu masha ni gaw chying bau, shup sheng, tingse mahku ni hte aten shagu ngoi na mara ai. Karai Kasang shi nan Asuri masha ni hpe gasat na ra ai.

Jinghpaw Hanson Version Bible

³² Yehowa gaw san da ai hkawn hte, shi hpe kayat hkra shagu, shupsheng, tingse mahku ngoi na ra ai; hpyen shani e, shada ai lahpum hte, shi hpe hpyen gasat na ra ai.

ESAIA 30:32 ပူးပေါင်းရင်းမြစ်များ

NINGPAWT NINGHPANG 31:27

Nang gaw ngai hpe zai hte hkalem kau da nna, hpa mung n tsun ai sha, hpa majaw lagyim pru mat wa n ni? Nang ngai hpe tsun dan taw gaw, nang hkawm sa wa na hkrun lam ting hta tingse sumpyi ni hte mahkawn mangoi let kabu gara ai hte nang hpe shabawn dat lu na rai nngai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

YOBA 16:12

Ngai gaw ngwi pyaw sim sa ai hte nga nga nngai, rai ti mung Karai Kasang gaw nye du magra jum da let ngai hpe adup ai hte agrawp mani kau nga sai. Karai Kasang gaw ngai hpe shingte shaman shara shatai na matu lang ai rai nna,

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 10:26

Chyahtum Chyalai N-gun rawng ai Ngai Madu gaw Oreb Lunghkrung e nga ai Midian masha ni hpe galaw kau we ai zawn nye a lasik hte shanhte hpe kayat na nngai. Ngai gaw Egutu hpe ari jaw ai zawn Asuri hpe mung ari jaw na nngai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 24:8

shanhte a kabu pyaw ai tingse hte chying bau a mahku nsen sim mat nga masai.

ESAIA 30:29

Rai ti mung, Karai Kasang a amyu masha ni e, nanhte gaw chyoi pra ai lusha poi hpe shana e galaw ai zawn, kabu gara ai hte mahkawn mangoi lu na rai myit dai. Nanhte gaw Israela a lunghkrung ngu ai dai Madu a Htingnu de sumpyi dum let shanhte hkawm lung wa ai zawn kabu gara na rai myit dai.

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

YEREMIA 31:4

Ngai gaw nanhte hpe kalang mi bai de da na mawe ai. Nanhte gaw kalang mi bai chying bau ni dum let kabu gara ai hte ka manawt lu na rai myit dai.

EZEKELA 28:13

Nang gaw Karai Kasang a sun ngu ai Eden hta nga nga ndai; lung seng amyu shagu ngu ai lung seng hkyeng ni, sein lung seng ni, utahpaya, myek-yoi, chyawng, nagahtoi, nila, mya hte patamya ni hpe ja hta hkrep nna mawn sumli da nga ndai. Nang gaw aja shakya rai ni lu nga ndai. Dai ni hpe nang hpan da hkrum ai shani hta nan, na a matu lajang da nga sai.

EZEKELA 32:10

Ngai nang hpe galaw ai amu a jaw e, masha amyu baw law law ni mau kajawng mat na mara ai. Ngai gaw nye a nhtu hpe ningwat dat ai shaloi, hkawhkam ni hkrit gari mat na mara ai. Nang kadawng taw ai shani e, shanhte yawng gaw tinang a asak a matu mara, hkrit gari nga na mara ai.”

HEBRE 12:26

Dai aten hta Karai Kasang a nsen gaw ginding aga hpe ashun dat wu ai, rai ti mung ya gaw, “Ginding aga hpe sha n rai, Sumsing lamu hpe mung ngai kalang mi naw ashun dat we ai,” nga nna ga sadi tawn da nu ai.

1 SAMUELA 10:5

Dai hpang, Hpilisti dap nga ai Gibea shara na Karai Kasang a kawng de nang sa wa na rai ndai. Shing rai mare chyinghka e, sumpyi dawraw, chying bau, larung sumhkran hte tingse ni hpe dum let kawng ntsa hta nga ai tawn hkungri na yu wa ai myihtoi hpung mi hte nang hkrum na rai ndai. Shanhte gaw ka manawt let jahtau garu na mara ai.

1 SAMUELA 18:6

Dawi gaw Goliat hpe sat kau ngut ai hpang, hpyenla ni dum nta de nhtang wa ma yang, Israela mare shagu hkan na numsha ni Shawlu hkawhkam hpe sa tau la na nga pru sa wa ma ai. Shanhte gaw kabu gara ai myit hte mahkawn mangoi let shup sheng hte tingse dum nga ma ai.