ESAIA 30:31 - Jinghpaw Common Language Bible 2009

³¹ Asuri masha ni gaw dai Madu a nsen hpe na ai shaloi hkrit gari wa nna shi a ari jaw ai n-gun hpe hkam sha wa na mara ai.

Jinghpaw Hanson Version Bible

³¹ Kaning rai nme law, Yehowa a nsen majaw Asuri wa gaw mak mat na ra ai; hkawn hte adup ai mung hkrum na ra ai.

ESAIA 30:31 ပူးပေါင်းရင်းမြစ်များ

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 10:26

Chyahtum Chyalai N-gun rawng ai Ngai Madu gaw Oreb Lunghkrung e nga ai Midian masha ni hpe galaw kau we ai zawn nye a lasik hte shanhte hpe kayat na nngai. Ngai gaw Egutu hpe ari jaw ai zawn Asuri hpe mung ari jaw na nngai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 27:7

Dai Madu gaw shanhte a gumlau hpyen ni hpe laja lana ari jaw ai hte sat kau ai daram Israela amyu masha ni hpe ari jaw nna sat ai n rai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.