ESAIA 30:30 - Jinghpaw Common Language Bible 2009

³⁰ Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

Jinghpaw Hanson Version Bible

³⁰ Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 30:30 ပူးပေါင်းရင်းမြစ်များ

YOBA 38:22

Nang gaw ahkyen hte sin tawn da ai sut gawk ni de sa chyai yu nit ni?

YOBA 38:23

Ngai gaw dai ni hpe ru tsang hkrum ai aten ni a matu hte majan gasat ai nhtoi ni a matu jin jin kyem da nngai.

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

SHAKAWN KUNGDAWN 2:5

Shing rai, shi gaw shanhte hpe masin pawt ai hte sadi jaw nhtawm shi a pawt sindawng ai hte shanhte hpe jahkrit mu ai.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 98:1

Dai Madu hpe mahkawn ga nnan hte mahkawn mu; shi gaw mauhpa magam amu ni hpe galaw da nu ai! Shi a daru magam n-gun hte chyoi pra ai n-gun a jaw e, shi gaw awng padang hpe hkam la nu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

PRU MAT 9:23

Dai rai nna, Mawshe mung shi a dawhkrawng hpe lamu de sharawt dat wu ai rai nna dai Madu gaw mu shangoi dat wu ai hte sin marang hpe jahtu dat wu ai; myihprap wan mung ga du hkra gashoi nga ai.

PRU MAT 9:24

Dai Madu gaw htat la ai sin marang hte rau mungkan ting de gashoi shangun lu ai myihprap wan hpe shangun dat wu ai rai nna dai gaw Egutu mung a labau hta galoi mung garai n hkrat yu ai hte nachying ja la ai laru rai nga ai.

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 10:26

Chyahtum Chyalai N-gun rawng ai Ngai Madu gaw Oreb Lunghkrung e nga ai Midian masha ni hpe galaw kau we ai zawn nye a lasik hte shanhte hpe kayat na nngai. Ngai gaw Egutu hpe ari jaw ai zawn Asuri hpe mung ari jaw na nngai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:29

Rai ti mung, Karai Kasang a amyu masha ni e, nanhte gaw chyoi pra ai lusha poi hpe shana e galaw ai zawn, kabu gara ai hte mahkawn mangoi lu na rai myit dai. Nanhte gaw Israela a lunghkrung ngu ai dai Madu a Htingnu de sumpyi dum let shanhte hkawm lung wa ai zawn kabu gara na rai myit dai.

ESAIA 30:31

Asuri masha ni gaw dai Madu a nsen hpe na ai shaloi hkrit gari wa nna shi a ari jaw ai n-gun hpe hkam sha wa na mara ai.

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 4:6

Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YEREMIA 25:32

Chyahtum Chyalai N-gun Rawng ai dai Madu gaw amyu mi a hpang amyu mi a ntsa e tsin-yam tsindam du nga ai mung, ginding aga a jahtum maga de nna laru kaba mung majaw lung wa na ra ai nga nna mung tsun ai.

EZEKELA 10:5

Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

EZEKELA 13:13

Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

YOELA 2:5

Shanhte gaw bum pungding ntsa hkan gumtawng hkawm nga yang, hpyen leng ni zawn nsen sharat nga ma ai; shanhte gaw tsingdu jahkraw wan hkru ai nsen zawn ngoi ma ai. Shanhte gaw hpyen gasat na matu shajin da ai hpyen hpung kaba zawn tsap dingren nga ma ai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

LUKA 1:51

Shi a lahpum hte atsam pra di nna, gumrawng ai ni hpe tinang a myit hte maw mawn ai lam ni hte hpawn shabra kau nu ai.

YAWSHU 10:10

Dai Madu mung Amori masha ni hpe dai Israela hpyen luksuk ni a man e kajawng kaja byin shangun nhtawm Israela amyu masha ni mung shanhte hpe Gibeon e sat kau ma ai; shanhte gaw Bet Horon de lung wa ai uhkan hku hkan nna Azeka hte Makeda du hkra shachyut gasat kau ma ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

SHINGRAN 1:15

Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

1 SAMUELA 7:10

Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.