ESAIA 30:25 - Jinghpaw Common Language Bible 2009

²⁵ Nanhte a gumlau hpyen ni a hpyen dap ni run hkrum nna shanhte a masha ni sat kau hkrum ai shani hta, bum shagu hte kawng shagu de na hka shi ni lwi pru wa na mara ai.

Jinghpaw Hanson Version Bible

²⁵ Masha law law sat kau ai hte langchyi ni hpe kadawng kau ai shani e, tsaw ai bum shagu a ntsa e mung, tsaw ai kawng shagu a ntsa e mung, hka shi hka gai ni lwi na ra ai.

ESAIA 30:25 ပူးပေါင်းရင်းမြစ်များ

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 48:21

Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang, shanhte hpang gara hkrum ma ai n rai. Shi gaw shanhte a matu lunghkrung kaw na hka shapraw ya nu ai; shi gaw lunghkrung hpe kayat hpaw nna hka lwi shangun wu ai.

EZEKELA 17:22

Ndai gaw Tsaw Htum ai dai Madu tsun ai mungga rai nga ai: “Ngai gaw tsaw ai arit hpun ndung la nhtawm kya ai makrung langai di la na nngai; Ngai gaw dai hpe tsaw ai bum ntsa e mung,

EZEKELA 34:13

Ngai gaw maigan mungdan hkan nga nga ai ni hpe shinggyin la nna shanhte a mungdan de bai woi wa na nngai. Israela bum ga de mung, hka shi shara hkan e mung, shanhte hpe woi nhtang wa nna ngwi pyaw ai udat shara ni hta shanhte hpe rem na nngai.

EZEKELA 34:26

“Ngai gaw shanhte hpe shaman ya nna shanhte hpe nye a chyoi pra ai kawng grup yin hkan e shanu nga shangun na nngai. Shanhte ra kadawn ai aten hta marang jahtu dat nna ngai shanhte hpe shaman ya na nngai.

EZEKELA 47:1

Dai masha wa gaw Nawku Htingnu chyinghka de ngai hpe bai woi nhtang wa ai. Hka gaw chyinghka hkinbawng npu kaw nna pru wa nhtawm Nawku Htingnu man yawng ai sinpraw de lwi mat wa nga ai. Dai hka gaw Nawku Htingnu a dingda npu na hpaw pru wa nhtawm tawn hkungri a dingda maga de lwi mat wa nga ai.

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

NAHUM 3:12

Na a hpyen dap ni yawng gaw shawng myin nna asi si ai lagum hpun ni zawn rai wa nna, hpun ashun dat yang na a n-gup ang ang hkrat bang na ra ai.

BU HKAWM 24:7

Shanhte gaw nhpaw n-ya htu hkrat ai marang hkam la lu na mara ai; Hka law ai shara ni hta shanhte a hkaili naili ni hkai na mara ai. Shanhte a hkawhkam gaw Agag hta shingkang grau kaba nna; Shi a up hkang ai gaw maden jat na rai wu ai.

YAWHAN 7:38

Chyum laika hta tsun ai hte maren, ngai hpe kam sham ai wa a kraw lawang kaw nna asak hkrung ai ntsin hka hpawk ni lwi pru na ra ai,” ngu nna nsen kaba hte jahtau tsun wu ai.

2 KORINHTU 10:4

Anhte a majan gasat ai hta lang ai laknak ni gaw mungkan shinggyim masha ni lang ai baw laknak n rai, ngang kang ai hpyen dap ni hpe jahten kau lu ai Karai Kasang a n-gun atsam hte hpring ai laknak ni rai nga ai. Anhte gaw n teng n man ai ndang kalang ga ni hpe jahten kau ga ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.