ESAIA 30:24 - Jinghpaw Common Language Bible 2009

²⁴ Nanhte a yi hkauna galau ya nga ai dumsu ni hte lawze ni gaw tsawm htum ai hte kaja htum ai ushat sha lu na mara ai.

Jinghpaw Hanson Version Bible

²⁴ Na a yi hkauna galau ai dumsu ni hte lawze ni gaw, atsawm sha katsap hking kau ai jum shum ai mam sha lu na mara ai.

ESAIA 30:24 ပူးပေါင်းရင်းမြစ်များ

NINGPAWT NINGHPANG 24:25

Shi gaw, “Anhte a nta hta yihku hte ushat law law nga ai; nanhte a matu nga shara mung nga ai,” ngu nna tsun dan wu ai.

NINGPAWT NINGHPANG 45:6

Ndai mung hta hku hku ai lahkawng ning sha naw rai nga ai; yi hkauna n galau lu na hte mam n dan lu na manga ning naw nga nga ai.

PRU MAT 34:21

“Nanhte a magam amu galaw na matu nanhte hta nhtoi kru ya tup lu nga myit dai; rai ti mung nai mam dat ai laman e mung, hkai nmai shu la ai aten hta rai ti mung, sanit ya ngu na shani hta amu bungli galaw lu na myit dai n rai.

ESAIA 32:20

Masha shagu hte gaw nsi naisi ni a matu hka alaw alam lu lang ai hte lawze ni hte dumsu ni a matu shara shagu hkan shim ai udat shara nga nga na ra ai gaw kade sha kabu gara mai nga ai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

TARA JAHPRANG 21:4

Shanhte gaw dai hpe nli galoi mung n gat hkai yu ai shara hte hka shi alwi nga ai shara makau de dun sa wa nhtawm dai yang e du abyen daw ya na rai ma ai.

TARA JAHPRANG 25:4

“Mam kabye ai dumsu n-gup pat ya lu na n rai.

1 SAMUELA 8:12

Shi gaw shanhte hta na nkau mi hpe masha hkying mi up na du salang ni, masha manga shi up na du salang ni, shatai na rai wu ai. Nanhte a shadang sha nkau mi gaw shi a yi hkauna galau, shi a nai mam nsi naisi shu na hte shi a gumra leng ni a matu hkinghku shachyaw ai hte hpyen laknak ni hpe galaw shangun na rai wu ai.