ESAIA 30:23 - Jinghpaw Common Language Bible 2009

²³ Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

Jinghpaw Hanson Version Bible

²³ Bai, Yehowa gaw, na a yi hkauna hta nang gat ai nli a matu, marang jahtu nna, lamu ga a nsi naisi hta na muk law wa na ra ai; dai gaw dwi sau ai hte n taw n tsang rai nga ai: dai shani e na a yamnga ni gaw, dam lada ai udat shara hta sha nga na mara ai.

ESAIA 30:23 ပူးပေါင်းရင်းမြစ်များ

NINGPAWT NINGHPANG 41:18

hpum nna manen pri tsawm ai nga upra sanit dai hka nu kaw na pru lung wa nhtawm tsingdu tsingman ni sha let nga nga ma ai hpe ngai mu nngai.

NINGPAWT NINGHPANG 41:26

Dai hpum sau ai nga upra sanit gaw sanit ning rai nga ai; bai ja kat ai mam gungsi sanit mung sanit ning rai nga ai. Dai ni gaw lachyum maren sha rai nga ai.

NINGPAWT NINGHPANG 41:47

Dai lu su ngamu ngamai ai sanit ning laman hta lamu ga gaw nsi naisi law htam hkra shapraw ya nga ai.

SHAKAWN KUNGDAWN 36:8

Nang jaw ya ai n taw n tsang re ai lusha hta anhte lu sha ga ai; na a mai kaja ai chyeju hte lwi ai hka nu kaw na nang anhte hpe lu shangun mi ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

ESAIA 10:27

Dai aten du jang, ngai gaw nanhte hpe Asuri a daru magam n-gun kata kaw nna shalawt dat na nngai, shanhte a kandang mung nanhte a lahpa ntsa e galoi mung hpai da ra sana n rai,” ngu nna tsun wu ai.

ESAIA 32:20

Masha shagu hte gaw nsi naisi ni a matu hka alaw alam lu lang ai hte lawze ni hte dumsu ni a matu shara shagu hkan shim ai udat shara nga nga na ra ai gaw kade sha kabu gara mai nga ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

ESAIA 65:21

Amyu masha ni gaw dum nta ni hpe gaw gap nna dai hta e shanhte nga nga na mara ai-dai hta masha kaga rawng na n rai. Shanhte gaw sabyi sun ni galaw nna sabyi ntsin ni hpe kabu gara lu lu na mara ai, dai hpe masha kaga wa sa lu kau ya lu na n rai. Nye a amyu masha ni gaw hpun ni a asak zawn galu hkra nga lu na mara ai. Shanhte galaw ai amu ni a jaw e shanhte hpring hpring tsup tsup kabu gara lu na mara ai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

JAW JAU 25:19

Lamu ga mung de a nsi naisi shapraw ya nna nanhte sha mayu ai mahkra lu la shangun nhtawm dai mung e shim lum ai hte nga lu na rai myit dai.

JAW JAU 26:3

“Ngai hkang da ai tara ni hte maren, nanhte asak hkrung nna nye a hkang da ai ga ni hpe madat mara hkan sa myit dai rai yang, lamu marang hpe shi a aten hta nanhte a matu ngai jahtu ya na mawe ai; shaloi lamu ga gaw nsi naisi shapraw ya ai hte hpun ni hta asi si na mara ai.

JAW JAU 26:5

Nanhte a nsi naisi ni grai ja kat na rai nna, sabyi si di ai aten hta nsi naisi ni hpe nanhte naw dan nhtawm nsi naisi ni hpe gat hkai ai aten hta mung sabyi si ni naw di la ra na rai myit dai. Nanhte sha mayu ai lusha yawng hkam la lu ai hte nanhte a mungdan hta shim lum ai hku nga lu na rai myit dai.

ZEHKARIA 10:1

Marang shadoi htu ai aten e, marang htu na matu dai Madu kaw hpyi mu; Dai Madu gaw marang sumwi hte marang mahpawng jahtu dat nna, langai hte langai a matu yi hkauna ni hpe tsit lali shangun nga ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

TARA JAHPRANG 11:14

Nanhte hkan galaw myit yang gaw nanhte a matu nsi naisi, sabyi ntsin hte tsanlun sau re ai ni hpe shu la lu hkra mung, nanhte a yam nga hpung ni a matu tsingdu tsingman ni hpe mung mahpawng hpaw marang, hpang shadoi htu marang shi jahtu ya na ra ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.